احسان دانش

English rendering

Bichhad kar un se yun gham mein guzari zindagi ham ne Sahar tareek dekhi surkh payi chandni ham ne Hamein dawa nahin tanha nibhai dosti ham ne Mohabbat ko sanbhala hai kabhi tum ne kabhi ham ne Khushi gham mein nazar aayi khushi mein gham nazar aaya Abhi dunya pe daali thi nigah sarsari ham ne Badi be-charagi nikli bahut hi na-rasi payi Azal ke roz badh kar le to li thi bandagi ham ne Jahan saaz-e-mohabbat par mughanni ga nahin sakta Wahan naghma alapa hai kabhi tum ne kabhi ham ne Tumhein ho ge nigah-e-shauq ka markaz tumhein ho ge Agar is zindagi ke baad payi zindagi ham ne Hamare samne har waqt anjaam-e-shikayat thi Kahi ko an-kahi kar di suni ko an-suni ham ne Bharen ge is mein rang Ehsan, dunya inqlabon se Lahu se apne ek tasweer aisi kheench di ham ne