دل کی رغبت ہے جب آپ ہی کی طرف
دل کی رغبت ہے جب آپ ہی کی طرف کس لیے آنکھ اٹھتی کسی کی طرف کیسی الجھن ہے بازی گہہ شوق میں ہم ہیں ان کی طرف وہ کسی کی طرف صرف اشک و تبسم میں الجھے رہے ہم نے دیکھا نہیں زندگی کی طرف ہم جو غول بیاباں سے واقف نہیں چل دیے دور کی روشنی کی طرف دیر و کعبہ سے پیاسی جبینیں لیے آ گئے ہم تری بندگی کی طرف رات ڈھلتے جب ان کا خیال آ گیا ٹکٹکی بندھ گئی چاندنی کی طرف جب نہ قصد خودی کے دریچے کھلے اہل دل ہو لیے بے خودی کی طرف ہم نے دل کی لگی ان سے کی تھی بیاں بات وہ لے گئے دل لگی کی طرف جادۂ آگہی پر بڑی بھیڑ تھی سیکڑوں مڑ گئے گمرہی کی طرف ہیں مرے حلقہ علم میں بالیقیں آسماں کے پیام آدمی کی طرف ان کے جلووں کی جانب نظر اٹھ گئی موج تھی بڑھ گئی چاندنی کی طرف کون سا جرم ہے کیا ستم ہو گیا آنکھ اگر اٹھ گئی آپ ہی کی طرف جانے وہ ملتفت ہوں کدھر بزم میں آنسوؤں کی طرف یا ہنسی کی طرف اس کے پندار خود آگہی پر نہ جا دیکھ انساں کی بے چارگی کی طرف اپنے ماحول میں کیوں اندھیرا کریں دیر تک دیکھ کر روشنی کی طرف موت کی راہ آسان ہو جائے گی پیار سے دیکھیے زندگی کی طرف ہم جنوں مند بھی اتنے واقف تو ہیں عقل کا رخ ہے وارفتگی کی طرف شاعری کی کسی منزل درد میں اک دریچہ ہے پیغمبری کی طرف جانے آنکھوں نے آنکھوں سے کیا کچھ کہا زندگی جھک گئی زندگی کی طرف دانشؔ انکار خالق سے ہوتا نہیں دیکھتا ہوں میں جب آدمی کی طرف
English rendering
Dil ki raghbat hai jab aap hi ki taraf Kis liye aankh uthti kisi ki taraf Kaisi uljhan hai baazi-gah-e-shauq mein Hum hain un ki taraf woh kisi ki taraf Sirf ashk-o-tabassum mein uljhe rahe Hum ne dekha nahin zindagi ki taraf Hum jo ghool-e-biyaban se waqif nahin Chal diye door ki roshni ki taraf Deir-o-Kaaba se pyasi jabeenein liye Aa gaye hum teri bandagi ki taraf Raat dhalte jab un ka khayal aa gaya Tik-tiki bandh gayi chandni ki taraf Jab na qasd-e-khudi ke dareeche khule Ahl-e-dil ho liye be-khudi ki taraf Hum ne dil ki lagi un se ki thi bayan Baat woh le gaye dil lagi ki taraf Jada-e-aagahi par badi bheed thi Senkdon mud gaye gumrahi ki taraf Hain mere halqa-e-ilm mein ba-yaqeen Aasmaan ke payam aadmi ki taraf Un ke jalwon ki jaanib nazar uth gayi Mauj thi badh gayi chandni ki taraf Kaun sa jurm hai kya sitam ho gaya Aankh agar uth gayi aap hi ki taraf Jane woh multafit hon kidhar bazm mein Aansuon ki taraf ya hansi ki taraf Is ke pindaar-e-khud-aagahi par na ja Dekh insaan ki be-chargi ki taraf Apne mahol mein kyon andhera karein Der tak dekh kar roshni ki taraf Maut ki raah aasan ho jaayegi Pyaar se dekhiye zindagi ki taraf Hum junoon-mand bhi itne waqif to hain Aql ka rukh hai waaraftagi ki taraf Shayari ki kisi manzil-e-dard mein Ek dareecha hai payghambari ki taraf Jane aankhon ne aankhon se kya kuch kaha Zindagi jhuk gayi zindagi ki taraf Danish inkaar-e-khaliq se hota nahin Dekhta hun main jab aadmi ki taraf