ہجوم رنج سے دل کو مسرت ہوتی جاتی ہے
ہجوم رنج سے دل کو مسرت ہوتی جاتی ہے کہ مجھ پر آئنہ اپنی حقیقت ہوتی جاتی ہے یہ کس تعمیر ناقص کی بھری جاتی ہیں بنیادیں کہ دنیا بے چراغ آدمیت ہوتی جاتی ہے وہ بے پردہ حریم شاعری میں آتے جاتے ہیں مرتب میری تاریخ محبت ہوتی جاتی ہے میں جتنا ان کے اسباب جفا پر غور کرتا ہوں مجھے اپنی وفاؤں پر ندامت ہوتی جاتی ہے بہ ایں حالات مایوسی بہ ایں اوصاف محرومی محبت ہے کہ محتاج محبت ہوتی جاتی ہے زباں سی لیں ترے کہنے سے لیکن اس کو کیا کیجے شکایت جب نہیں ہوتی حکایت ہوتی جاتی ہے ہے میرا عشق یک در گیر محکم گیر سے بالا مری نظروں میں دنیا خوب صورت ہوتی جاتی ہے ارے توبہ گناہوں کے سیہ خوابوں سے بیداری کہ آنکھیں کھلتی جاتی ہیں ندامت ہوتی جاتی ہے یوں ہی تجدید پیمان وفا کیجے مرے ہم دم بڑی آسان تشریح محبت ہوتی جاتی ہے محبت رفتہ رفتہ ڈھل رہی ہے وضع داری میں یہ کس رفتار سے برپا قیامت ہوتی جاتی ہے جسے تصویر کہنا کفر ہے آئین الفت میں وہی تنویر معبود محبت ہوتی جاتی ہے مآل رنج و راحت دیکھتا جاتا ہے دل جتنا تمنا ماورائے رنج و راحت ہوتی جاتی ہے نہ ہو میرے نہ تم مجھ کو کسی کا ہونے دیتے ہو قیامت کیا یہ بالائے قیامت ہوتی جاتی ہے بحمد اللہ میں احسانؔ اس منزل پہ آ پہنچا مصیبت جب نہیں ہوتی مصیبت ہوتی جاتی ہے
English rendering
Hujoom-e-ranj se dil ko masarrat hoti jaati hai Ke mujh par aaina apni haqeeqat hoti jaati hai Yeh kis ta'ameer-e-naaqis ki bhari jaati hain bunyadain Ke duniya be-chiragh-e-aadamiyat hoti jaati hai Woh be-parda haram-e-shayari mein aate jaate hain Murattab meri tareekh-e-mohabbat hoti jaati hai Main jitna unke asbaab-e-jafa par ghaur karta hoon Mujhe apni wafaon par nadamat hoti jaati hai Ba-een halaat-e-mayusi ba-een ausaaf-e-mahroomi Mohabbat hai ke mohtaj-e-mohabbat hoti jaati hai Zaban si lein tere kehne se lekin is ko kya keejiye Shikayat jab nahin hoti hikayat hoti jaati hai Hai mera ishq yak dar-geer mohkam-geer se bala Meri nazron mein duniya khoob-surat hoti jaati hai Arre tauba gunahon ke siyah khwabon se bedari Ke aankhein khulti jaati hain nadamat hoti jaati hai Yunhi tajdeed-e-paiman-e-wafa keejiye mere humdum Badi asaan tashreeh-e-mohabbat hoti jaati hai Mohabbat rafta rafta dhal rahi hai waza-daari mein Yeh kis raftaar se barpa qayamat hoti jaati hai Jise tasveer kehna kufr hai aa'in-e-ulfat mein Wahi tanveer-e-ma'bood-e-mohabbat hoti jaati hai Ma'al-e-ranj-o-raahat dekhta jaata hai dil jitna Tamanna mawara-e-ranj-o-raahat hoti jaati hai Na ho mere na tum mujh ko kisi ka hone dete ho Qayamat kya yeh bala-e-qayamat hoti jaati hai Ba-hamdillah main Ehsanؔ is manzil pe aa pahuncha Museebat jab nahin hoti museebat hoti jaati hai