کل رات کچھ عجیب سماں غم کدے میں تھا
کل رات کچھ عجیب سماں غم کدے میں تھا میں جس کو ڈھونڈھتا تھا مرے آئنے میں تھا جس کی نگاہ میں تھیں ستاروں کی منزلیں وہ میر کائنات اسی قافلے میں تھا رہ گیر سن رہے تھے یہ کس جشن نو کا شور کل رات میرا ذکر یہ کس سلسلے میں تھا رقصاں تھے رند جیسے بھنور میں شفق کے پھول جو پاؤں پڑ رہا تھا بڑے قاعدے میں تھا چھڑکا جسے عدم کے سمندر پہ آپ نے صحرا تمام خاک کے اس بلبلے میں تھا منت گزار اہل ہوس ہو سکا نہ دل حائل مرا ضمیر مرے راستے میں تھا ہے فرض اس عطائے جنوں کا بھی شکریہ لیکن یہ بے شمار کرم کس صلے میں تھا اب آ کے کہہ رہے ہو کہ رسوائی سے ڈرو یہ بال تو کبھی کا مرے آئینے میں تھا سنتا ہوں سرنگوں تھے فرشتے مرے حضور میں جانے اپنی ذات کے کس مرحلے میں تھا ہیں ثبت میرے دل پہ زمانے کی ٹھوکریں میں ایک سنگ راہ تھا جس راستے میں تھا کچھ بھی نہ تھا ازل میں بجز شعلۂ وجود ہاں دور تک عدم کا دھواں حاشیے میں تھا میں نے جو اپنا نام پکارا تو ہنس پڑا یہ مجھ سا کون شخص مرے راستے میں تھا تھی نقطۂ نگاہ تک آزادئ عمل پرکار کی طرح میں رواں دائرے میں تھا زنجیر کی صدا تھی نہ موج شمیم زلف یہ کیا طلسم ان کے مرے فاصلے میں تھا اب روح اعتراف بدن سے ہے منحرف اک یہ بھی سنگ میل مرے راستے میں تھا دانشؔ کئی نشیب نظر سے گزر گئے ہر رند آئنے کی طرح میکدے میں تھا
English rendering
Kal raat kuchh ajeeb samaan gham-kade mein tha Main jis ko dhoondhta tha mere aaine mein tha Jis ki nigah mein thi sitaron ki manzilen Wo meer-e-kainat isi qafle mein tha Rahgeer sun rahe the ye kis jashn-e-nau ka shor Kal raat mera zikr ye kis silsile mein tha Reqsaan the rind jaise bhanwar mein shafaq ke phool Jo paun pad raha tha bade qaede mein tha Chhidka jise adam ke samundar pe aap ne Sahra tamam khaak ke us bul-bule mein tha Minat-guzaar-e-ahl-e-hawas ho saka na dil Hail mera zameer mere raaste mein tha Hai farz is ataa-e-junoon ka bhi shukriya Lekin ye be-shumar karam kis sile mein tha Ab aa ke kah rahe ho ke ruswai se daro Ye baal to kabhi ka mere aaine mein tha Sunta hoon sar-nigaun the farishte mere huzoor Main jaane apni zaat ke kis marhale mein tha Hain sabit mere dil pe zamane ki thokarain Main ek sang-e-rah tha jis raaste mein tha Kuchh bhi na tha azal mein bajuz shola-e-wajood Haan door tak adam ka dhuan hashiye mein tha Main ne jo apna naam pukara to hans pada Ye mujh sa kaun shakhs mere raaste mein tha Thi nuqta-e-nigah tak aazadi-e-amal Parqaar ki tarah main rawaan daere mein tha Zanjeer ki sada thi na mauj-e-shameem-e-zulf Ye kya tilsim un ke mere faasle mein tha Ab rooh-e-e'tiraaf badan se hai munharif Ek ye bhi sang-e-meel mere raaste mein tha Danish, kai nasheb nazar se guzar gaye Har rind aaine ki tarah maikade mein tha