کرتے کرتے امتزاج کعبہ و بت خانہ ہم
کرتے کرتے امتزاج کعبہ و بت خانہ ہم اس جگہ پہنچے کہ ہو کر رہ گئے دیوانہ ہم سانس لے سکتے نہیں افسوس آزادانہ ہم جانے کب سے ہیں اسیر کعبہ و بتخانہ ہم وہ محبت ہی نہیں جس میں نہ ہوں شکوے گلے اک کہانی تم سنائے جاؤ اک افسانہ ہم دیر پا نکلی نہ فانوس خرد کی روشنی بڑھ گئی وحشت بالآخر ہو گئے دیوانہ ہم ہر دو جانب احتیاط اچھی ہے جب تک ہو سکے یوں تو میں آگاہ سب تم شمع ہو پروانہ ہم اب حقیقت کیا کہیں کس سے کہیں کیوں کر کہیں کچھ تو دیکھا ہے کہ جس سے ہو گئے دیوانہ ہم دامن دل شبنم و گل سے پکڑ لیتا ہے آگ خلقۃً ہم ہیں جواب فطرت پروانہ ہم پاسباں مفہوم و معنی کو بیاں کرتے رہیں سننے والے سن چکے ہیں کہہ چکے افسانے ہم آ چکا ہوگا سر طور وفا موسیٰ کو ہوش اب تجھے تکلیف دیں گے جلوۂ جانانہ ہم جیتے جی کی انجمن ہے جیتے جی کا سوز و ساز ہو گئیں جس وقت بند آنکھیں نہ پھر دنیا نہ ہم ہم جو مٹ جائیں تو فرق دیر و کعبہ بھی مٹے ایک پردہ ہیں میان کعبہ و بتخانہ ہم التجا ہی التجا باقی ہے شکوہ ہو چکے اب محبت تم سے کرتے ہیں پرستارانہ ہم جب وہ کرتے ہیں محبت پر مسلسل گفتگو ایسا کچھ محسوس ہوتا ہے کہ ہیں بیگانہ ہم
English rendering
Karte karte imtizaj-e-Kaba o but-khana hum Is jagah pahunche ki ho kar rah gaye deewane hum Saans le sakte nahin afsos azadana hum Jaane kab se hain aseer-e-Kaba o but-khana hum Wo mohabbat hi nahin jis mein na hon shikwe-gile Ek kahani tum sunaye jao, ek afsana hum Der-pa nikli na fanoos-e-khirad ki roshni Badh gayi wahshat bil-akhir ho gaye deewane hum Har do janib ehtiyat achhi hai jab tak ho sake Yun to main agah sab tum shama ho parwana hum Ab haqiqat kya kahen kis se kahen kyun kar kahen Kuchh to dekha hai ki jis se ho gaye deewane hum Daman-e-dil shabnam o gul se pakad leta hai aag Khalqatan hum hi hain jawab-e-fitrat parwana hum Pasban mafhoom o maani ko bayan karte rahen Sunne wale sun chuke hain kah chuke afsane hum Aa chuka hoga sar-e-Toor-e-wafa Musa ko hosh Ab tujhe takleef denge jalwa-e-janana hum Jeete ji ki anjuman hai jeete ji ka soz-o-saz Ho gayin jis waqt band aankhen na phir duniya na hum Hum jo mit jayen to farq-e-dair o Kaba bhi mite Ek parda hain miyan-e-Kaba o but-khana hum Iltija hi iltija baqi hai shikwa ho chuke Ab mohabbat tum se karte hain parastarana hum Jab wo karte hain mohabbat par musalsal guftugu Aisa kuchh mahsoos hota hai ki hain begana hum