مل مل کے دوستوں نے وہ دی ہے دغا مجھے
مل مل کے دوستوں نے وہ دی ہے دغا مجھے اب خود پہ بھی نہیں ہے گمان وفا مجھے اف ابتدائے شوق کی معصوم جستجو ہر پھول تھا چمن میں ترا نقش پا مجھے اے کھنچنے والے دیکھ مری بے پناہیاں آتی ہے دشمنوں سے بھی بوئے وفا مجھے دنیا تمہیں عزیز ہے میرے سوا مگر عالم ہے نا پسند تمہارے سوا مجھے کرتی نہیں عبور تمہیں میری جستجو کیا کر دیا ہے تم نے یہ کیا ہو گیا مجھے وضعاً بھی ہنس پڑا ہوں تو پھر دل سے مدتوں آئی کراہنے کی صدا پر صدا مجھے پھر بات بات میں ہے لچک التفات کی کیا پھر دکھاؤ گے کوئی خواب وفا مجھے یہ ہے فغاں کا زور تو پھر وہ چکا قفس کر دے گی میری شعلہ نوائی رہا مجھے کوتاہیٔ نظر سے احاطہ نہ ہو سکا ملنے کو یوں ملا ہے بتوں میں خدا مجھے میری وفا پہ آپ ہی چیں بر جبیں نہیں میں خود بھی سوچتا ہوں یہ کیا ہو گیا مجھے جس مدعائے شوق کی دریافت ہیں حضور مایوس کر رہا ہے وہی مدعا مجھے اک ضیق اک عذاب اک اندوہ اک تڑپ تم نے یہ دل کے نام سے کیا دے دیا مجھے ان کو گنوا کے حال رہا ہے یہ مدتوں آیا خیال بھی تو بڑا غم ہوا مجھے افلاس کے شباب مقدس میں بارہا آیا ہے پوچھنے مرے گھر پر خدا مجھے احسانؔ اپنے وقت پہ موت آئے گی مگر جینے کا مشورہ نہیں دیتی فضا مجھے
English rendering
Mil mil ke doston ne woh di hai dagha mujhe Ab khud pe bhi nahin hai gumaan e wafa mujhe Uff ibteda-e-shauq ki masoom justuju Har phool tha chaman mein tera naqsh e pa mujhe Aye khenchne wale dekh meri be-panahiyan Aati hai dushmanon se bhi boo-e-wafa mujhe Duniya tumhein aziz hai mere siwa magar Aalam hai na-pasand tumhare siwa mujhe Karti nahin uboor tumhein meri justuju Kya kar diya hai tum ne ye kya ho gaya mujhe Waz'an bhi hans pada hoon to phir dil se muddaton Aayi karahne ki sada par sada mujhe Phir baat baat mein hai lachak iltefaat ki Kya phir dikhao ge koi khwab e wafa mujhe Ye hai fughan ka zor to phir woh chaka qafas Kar degi meri shola nawai riha mujhe Kotahi-e-nazar se ihata na ho saka Milne ko yoon mila hai buton mein Khuda mujhe Meri wafa pe aap hi cheen bar jabeen nahin Main khud bhi sochta hoon ye kya ho gaya mujhe Jis mudda'a-e-shauq ki daryaft hain huzoor Mayoous kar raha hai wahi mudda'a mujhe Ek zaiq ek azaab ek andoh ek tadap Tum ne ye dil ke naam se kya de diya mujhe In ko ganwa ke haal raha hai ye muddaton Aaya khayal bhi to bada gham hua mujhe Ifraas ke shabab e muqaddas mein baarha Aaya hai poochne mere ghar par Khuda mujhe Ehsan apne waqt pe maut aayegi magar Jeene ka mashwara nahin deti fiza mujhe