مجھے پوچھا ہے آ کر تم نے اس اخلاق کامل سے
مجھے پوچھا ہے آ کر تم نے اس اخلاق کامل سے کہ میں شرمندہ ہو کر رہ گیا اندازۂ دل سے نظر کے رخ کو یا تو دل کی جانب پھیر لینے دو نہیں تو سامنے آ جاؤ اٹھ کر پردۂ دل سے امیدیں اٹھ رہی ہیں سیکڑوں امیدواروں کی میں تنہا ہوں مگر تنہا نہیں اٹھوں گا محفل سے امیر کارواں جس روشنی کے بل پہ بڑھتا ہے نکلتا ہے وہ تارا صبح ہوتے خاک منزل سے انہیں دنیا اب اشک غم کہے یا خون کی بوندیں محبت نے چراغ آنکھوں میں لا کر رکھ دئے دل سے اب اس ننگ محبت سے کنارہ بھی تو مشکل ہے مجھے جس کی محبت کا یقیں آیا تھا مشکل سے ابھی تو شام ہے آغاز ہے پروانہ سوزی کا کوئی اس شمع کو آگاہ کر دو صبح محفل سے ابھی تحقیق بہتر ہے کہ پھر شکوہ عبث ہوگا کہ میر کارواں واقف نہیں آداب منزل سے مٹانے سے کبھی نقش محبت مٹ نہیں سکتا مرا افسانہ نکلے گا تری روداد محفل سے غنیمت ہے نظر روشن ہے دل اب تک دھڑکتا ہے محبت میں تو یہ آسانیاں ملتی ہیں مشکل سے افق کے آئنے میں ہو نہ ہو دھارے کے سائے میں نظر آتی ہیں طوفانوں کی سرحد جیسے ساحل سے ترا جلوہ تو کیا تو خود بھی تفریح نظر ہوتا مری آنکھوں نے اب تک بھیک مانگی ہی نہیں دل سے ستم کی آخری منزل پہ اظہار پشیمانی نکل آتے ہیں آنسو یوں تو ہر دکھتے ہوئے دل سے میں اک ذرہ ہوں لیکن وسعت صحرا سے واقف ہوں اٹھا سکتا نہیں خود میر محفل مجھ کو محفل سے تہیہ کر لیا تنگ آ کے گو ترک تعلق کا مگر اب فکر ہے یہ خط انہیں لکھیں گے کس دل سے مجھے احسانؔ میرے قافلے والوں نے اب سمجھا کہ یہ ذرہ ستارا بن گیا تقدیر منزل سے
English rendering
Mujhe poochha hai aa kar tum ne is ikhlaq-e-kamil se Ki main sharminda ho kar rah gaya andaza-e-dil se Nazar ke rukh ko ya to dil ki janib pher lene do Nahin to samne aa jao, uth kar parda-e-dil se Ummiden uth rahi hain sainkdon ummidwaron ki Main tanha hoon magar tanha nahin uthoonga mahfil se Amir-e-karwan jis roshni ke bal pe badhta hai Nikalta hai wo tara subah hote khak-e-manzil se Inhen duniya ab ashk-e-gham kahe ya khoon ki boonden Mohabbat ne charagh aankhon mein la kar rakh diye dil se Ab is nang-e-mohabbat se kinara bhi to mushkil hai Mujhe jis ki mohabbat ka yaqin aaya tha mushkil se Abhi to sham hai aghaz hai parwana-sozi ka Koi is shama ko agah kar do subh-e-mahfil se Abhi tahqiq behtar hai ki phir shikwa abas hoga Ki mir-e-karwan waqif nahin aadab-e-manzil se Mitane se kabhi naqsh-e-mohabbat mit nahin sakta Mera afsana niklega teri rudada-e-mahfil se Ghanimat hai nazar roshan hai dil ab tak dhadakta hai Mohabbat mein to ye asaniyan milti hain mushkil se Ufaq ke aaine mein ho na ho dhaare ke saye mein Nazar aati hain tufanon ki sarhad jaise sahil se Tera jalwa to kya tu khud bhi tafrih-e-nazar hota Meri aankhon ne ab tak bheek mangi hi nahin dil se Sitam ki aakhri manzil pe izhar-e-pashimani Nikal aate hain aansoo yun to har dukhte hue dil se Main ik zarra hoon lekin wusat-e-sahra se waqif hoon Utha sakta nahin khud mir-e-mahfil mujh ko mahfil se Taiyya kar liya tang aa ke go tark-e-taalluq ka Magar ab fikr hai ye khat unhen likhenge kis dil se Mujhe Ehsan, mere qafile walon ne ab samjha Ki ye zarra sitara ban gaya taqdeer-e-manzil se