نظر فریب قضا کھا گئی تو کیا ہوگا
نظر فریب قضا کھا گئی تو کیا ہوگا حیات موت سے ٹکرا گئی تو کیا ہوگا بزعم ہوش تجلی کی جستجو بے سود جنوں کی زد پہ خرد آ گئی تو کیا ہوگا نئی سحر کے بہت لوگ منتظر ہیں مگر نئی سحر بھی جو کجلا گئی تو کیا ہوگا نہ رہنماؤں کی مجلس میں لے چلو مجھ کو میں بے ادب ہوں ہنسی آ گئی تو کیا ہوگا شباب لالہ و گل کو پکارنے والو خزاں سرشت بہار آ گئی تو کیا ہوگا خوشی چھنی ہے تو غم کا بھی اعتماد نہ کر جو روح غم سے بھی اکتا گئی تو کیا ہوگا یہ فکر کر کہ ان آسودگی کے دھوکوں میں تری خودی کو بھی موت آ گئی تو کیا ہوگا لرز رہے ہیں جگر جس سے کوہساروں کے اگر وہ لہر یہاں آ گئی تو کیا ہوگا وہ موت جس کی ہم احسانؔ سن رہے ہیں خبر رموز زیست بھی سمجھا گئی تو کیا ہوگا
English rendering
Nazar fareb e qaza kha gayi to kya hoga Hayat maut se takra gayi to kya hoga Baz'am e hosh tajalli ki justuju be-sood Junoon ki zad pe khirad aa gayi to kya hoga Nayi sahar ke bohat log muntazir hain magar Nayi sahar bhi jo kajla gayi to kya hoga Na rahnumaon ki majlis mein le chalo mujh ko Main be-adab hoon hansi aa gayi to kya hoga Shabab e lala o gul ko pukarne walo Khizan sirisht bahar aa gayi to kya hoga Khushi chhini hai to gham ka bhi aetimad na kar Jo rooh gham se bhi ukta gayi to kya hoga Yeh fikr kar ke in aasoodgi ke dhokon mein Teri khudi ko bhi maut aa gayi to kya hoga Laraz rahe hain jigar jis se kohsaron ke Agar woh lehar yahan aa gayi to kya hoga Woh maut jis ki hum Ehsan sun rahe hain khabar Rumooz e zeest bhi samjha gayi to kya hoga