پرسش غم کا شکریہ کیا تجھے آگہی نہیں
پرسش غم کا شکریہ کیا تجھے آگہی نہیں تیرے بغیر زندگی درد ہے زندگی نہیں دیکھ کے خشک و زرد پھول دل ہے کچھ اس طرح ملول جیسے مری خزاں کے بعد دور بہار ہی نہیں دور تھا اک گزر چکا نشہ تھا اک اتر چکا اب وہ مقام ہے جہاں شکوۂ بے رخی نہیں عشرت خلد کے لیے زاہد کج نظر جھکے مشرب عشق میں تو یہ جرم ہے بندگی نہیں تیرے سوا کروں پسند کیا تری کائنات میں دونوں جہاں کی نعمتیں قیمت بندگی نہیں لاکھ زمانہ ظلم ڈھائے وقت نہ وہ خدا دکھائے جب مجھے ہو یقیں کہ تو حاصل زندگی نہیں دل کی شگفتگی کے ساتھ راحت مے کدہ گئی فرصت مے کشی تو ہے حسرت مے کشی نہیں اشک رواں کی آب و تاب کر نہ عوام میں خراب عظمت عشق کو سمجھ گریۂ غم ہنسی نہیں عرصۂ فرقت و فراق ایسا طویل تو نہ تھا بھول رہے ہو تم مجھے میں کوئی اجنبی نہیں زخم پہ زخم کھا کے جی اپنے لہو کے گھونٹ پی آہ نہ کر لبوں کو سی عشق ہے دل لگی نہیں ایک وہ رات تھی کہ جب تھا مرے گھر وہ ماہتاب ایک یہ رات ہے کہ اب چاند ہے چاندنی نہیں مژدہ کہ نا مراد عشق تیری غزل کا ہے وہ رنگ وہ بھی پکار اٹھے کہ یہ سحر ہے شاعری نہیں
English rendering
Purshish-e-gham ka shukriya kya tujhe aagahi nahin Tere baghair zindagi dard hai zindagi nahin Dekh ke khushk-o-zard phool dil hai kuch is tarah malool Jaise meri khizaan ke baad daur-e-bahar hi nahin Daur tha ek guzar chuka nasha tha ek utar chuka Ab woh muqam hai jahan shikwa-e-be-rukhi nahin Ishrat-e-khuld ke liye zaahid kaj nazar jhuke Mashrab-e-ishq mein to yeh jurm hai bandagi nahin Tere siwa karun pasand kya teri kaaynat mein Dono jahan ki naimatein qeemat-e-bandagi nahin Lakh zamana zulm dhaaye waqt na woh Khuda dikhaaye Jab mujhe ho yaqeen ke tu hasil-e-zindagi nahin Dil ki shaguftagi ke saath rahat-e-mai-kada gayi Fursat-e-mai-kashi to hai hasrat-e-mai-kashi nahin Ashk-e-rawaan ki aab-o-taab kar na awaam mein kharab Azmat-e-ishq ko samajh girya-e-gham hansi nahin Arsa-e-furqat-o-firaq aisa taweel to na tha Bhool rahe ho tum mujhe main koi ajnabi nahin Zakhm pe zakhm kha ke ji apne lahu ke ghoont pee Aah na kar labon ko si ishq hai dil lagi nahin Ek woh raat thi ke jab tha mere ghar woh mahtaab Ek yeh raat hai ke ab chand hai chandni nahin Mujda ke naa-murad ishq teri ghazal ka hai woh rang Woh bhi pukar uthe ke yeh sehar hai shayari nahin