احسان دانش

English rendering

Tauba ki nazishon pe sitam dha ke pee gaya "Pee!" us ne jab kaha to main ghabra ke pee gaya Dil hi to hai uthaye kahan tak gham-o-alam Main roz ke malaal se ukta ke pee gaya Thien lakh garche mahshar-o-marqad ki uljhanen Gutthi ko zabt-e-shauq ki suljha ke pee gaya Mai-khana-e-bahar mein muddat ka tishna-lab Saaqi khata muaf! khata kha ke pee gaya Niyat nahin kharab na aadi hun ae Nadeem! "Aalaam-e-rozgar se tang aa ke pee gaya!" Saaqi ke husn-e-deeda mai-gun ke saamne Main jalwa-e-bahisht ko thukra ke pee gaya Utha jo abr dil ki umangein chamak uthin Lehraien bijliyan to main lehra ke pee gaya Dil kuch saboot-e-hifz-e-sharee'at na de saka Saaqi ke lutf-e-khaas pe itra ke pee gaya