ترا جمال ترا حسن کامگار رہے
ترا جمال ترا حسن کامگار رہے وہ کیا کرے نہ جسے دل پہ اختیار رہے ہزار کثرت رعنا نے چلمنیں ڈالیں بہر حجاب تعین وہ آشکار رہے مری نظر کا تو کیا ذکر خود بہار کے پھول فریب خوردۂ رنگینیٔ بہار رہے کسی مقام پہ دل کو سکوں ہو کیا معنی جو بے قرار ازل ہے وہ بے قرار رہے اسی نواح میں اہل نظر بھی ممکن ہیں کچھ اور دیر سر طور انتظار رہے تمام پھول تھے اور ظرف دامن گلچیں جو بچ گئے وہ چراغ شب بہار رہے مری نگاہ میں ہے وہ حریم زیبائی کنیز بن کے جہاں مریم بہار رہے خزاں خزاں ہو تو دور بہار کیا معنی بہار ہو تو خزاں کیوں بنے بہار رہے جہان حسن کے اسرار پا نہیں سکتا جو عشق اپنی حدوں تک ہی بے قرار رہے مری نظر سے وہ جلوے نہ رہ سکے مستور جو زیر پردۂ پیراہن بہار رہے چھڑا چکا ہوں میں دست مجاز سے دامن حقیقت اپنے حجابوں سے ہوشیار رہے میں موڑتا ہوں اسی رخ سے کارواں اپنا کچھ اور دیر افق پر ابھی غبار رہے جنون شوق میں تحقیق رنگ و بو کیسی رہے چمن میں تو دیوانۂ بہار رہے ہیں اس طرح کے ضوابط بھی بے قراری میں کہ تیرے ساتھ زمانہ بھی بے قرار رہے وہ صرف میرے ہیں احسانؔ میں فقط ان کا ہے ناگوار کسی کو تو ناگوار رہے
English rendering
Tera jamal tera husn kamgar rahe Wo kya kare na jise dil pe ikhtiyar rahe Hazar kasrat-e-rana ne chilmanen dalin Ba-har hijab-e-taiyyun wo aashkar rahe Meri nazar ka to kya zikr khud bahar ke phool Faraib-khurda-e-rangini-e-bahar rahe Kisi maqam pe dil ko sukoon ho kya maani Jo be-qarar azal hai wo be-qarar rahe Isi nawah mein ahl-e-nazar bhi mumkin hain Kuchh aur der sar-e-Toor intizar rahe Tamam phool the aur zarf-e-daman-e-gulchin Jo bach gaye wo chiragh-e-shab-e-bahar rahe Meri nigah mein hai wo harim-e-zebai Kaniz ban ke jahan Maryam bahar rahe Khizan khizan ho to daur-e-bahar kya maani Bahar ho to khizan kyun bane bahar rahe Jahan-e-husn ke asrar pa nahin sakta Jo ishq apni haddon tak hi be-qarar rahe Meri nazar se wo jalwe na rah sake mastoor Jo zer-e-parda pairahan-e-bahar rahe Chhuda chuka hoon main dast-e-majaz se daman Haqiqat apne hijabon se hoshiyar rahe Main modta hoon isi rukh se karwan apna Kuchh aur der ufaq par abhi ghubar rahe Junoon-e-shauq mein tahqiq-e-rang-o-boo kaisi Rahe chaman mein to deewane bahar rahe Hain is tarah ke zawabit bhi be-qarari mein Ki tere sath zamana bhi be-qarar rahe Wo sirf mere hi hain Ehsan, main faqat un ka Hai nagawar kisi ko to nagawar rahe