اٹھا ہوں اک ہجوم تمنا لئے ہوئے
اٹھا ہوں اک ہجوم تمنا لئے ہوئے دنیا سے جا رہا ہوں میں دنیا لئے ہوئے مدت سے گرچہ جلوہ گہ طور سے خموش آنکھیں ہیں اب بھی ذوق تماشا لئے ہوئے دنیائے آرزو سے کنارہ تو کر کے دیکھ دنیا کھڑی ہے دولت دنیا لئے ہوئے روز ازل سے عشق ہے ناکام آرزو دل ہے مگر ہجوم تمنا لئے ہوئے اے کم نگاہ دیدۂ دل سے نگاہ کر ہر ذرہ ہے حقیقت صحرا لئے ہوئے ہستی کی صبح کون سی محفل کا ہے مآل آنکھیں کھلی ہیں حسرت جلوہ لئے ہوئے دن بھر مری نظر میں ہے وہ یوسف بہار آتی ہے رات خواب زلیخا لئے ہوئے دل پھر چلا ہے لے کے ترے آستاں کی سمت اپنی شکستگی کا سہارا لئے ہوئے وہ دن کہاں کہ تھی مجھے جینے کی آرزو پھرتا ہوں اب تو دل کا جنازا لئے ہوئے
English rendering
Utha hoon ik hujoom-e-tamanna liye hue Duniya se ja raha hoon main duniya liye hue Muddat se garche jalwa-gah-e-Toor se khamosh Aankhen hain ab bhi zauq-e-tamasha liye hue Duniya-e-arzoo se kinara to kar ke dekh Duniya khadi hai daulat-e-duniya liye hue Roz-e-azal se ishq hai nakaam-e-arzoo Dil hai magar hujoom-e-tamanna liye hue Aye kam-nigah dida-e-dil se nigah kar Har zarra hai haqiqat-e-sahra liye hue Hasti ki subh kaun si mahfil ka hai maal Aankhen khuli hain hasrat-e-jalwa liye hue Din bhar meri nazar mein hai wo Yusuf-e-bahar Aati hai raat khwab-e-Zulekha liye hue Dil phir chala hai le ke tere aastaan ki simt Apni shikastagi ka sahara liye hue Wo din kahan ki thi mujhe jeene ki arzoo Phirta hoon ab to dil ka janaza liye hue