اسیں لکھ نمازاں نیتیاں
اسیں لکھ نمازاں نیتیاں، اسیں سجدے کیتے لکھ کدیں ٹبیاں ریتاں رولیاں ، کدیں گلیاں دے وچ کَکھ اسیں پَکھو وِچھڑے ڈار توں، اسیں اپنے آپ توں وَکھ اسیں ویکھیا دِل مخلوق دا، دِل بُوہے بُوہے رَکھ اسیں راتاں کٹیاں جگ کے، لگ باریاں نال کھلو ساڈی اکھیں رستیاں ساڑیاں، دل دِتّا دَرد پَرو ساڈی ساہ وِچ صبر دی چاشنی، ساڈی رگاں وچ خشبو ساتھوں ہار کے ساڈے حوصلے، پئے کدّگاں نَپ نَپ رو اسیں گھبرُو سِک دے شہر دے، ساڈے خاباں نال وِداں اسیں خالی کھوکھے ذات دے، سانوں چُنجاں مارن کاں اسیں موسم کچّے عشق دے، ساڈی دُھپ بنے نا چھاں ساڈے متھّے بھرے لکیر دے، ساڈی قسمت مُول نا تھاں اسیں مجرم عشق دے جُرم دے، اسیں سُفنے لَے اُڈیک ساتھے لگّن روز عدالتاں، سانوں پئے جَئے روز تَریک نِت آساں لا لا بیٹھیئے ، نِت دِل تے مارئیے لیک کدیں چھِکّے چَن اَسمان تے، کدیں مِٹّی لَوے دَھریک اسیں جمدیاں نال دے گھابرے، اسیں قسمت نال خفا کدیں پتھراں دے وچ کھیڈدے، کدیں ٹُردے دُھوڑ اُڈا اسیں بھولے وانگ کبوتراں ، اسیں پاگل وانگ ہوا اسیں اپنے آپ عبادتی، اسیں اپنے آپ خدا
English rendering
Asin lakh namazan neetiyan, asin sajde keetay lakh Kadeen tibbiyan reetan roliyan, kadeen galiyan de wich kakh Asin pakkhu wichhre daar ton, asin apne aap ton wakh Asin wekhiya dil makhlooq da, dil bohe bohe rakh Asin raatan kattiyan jag ke, lag baariyan naal khalo Saadi akheen rastiyan saadiyan, dil ditta dard paro Saadi sah wich sabr di chaashni, saadi ragan wich khushboo Saathon haar ke saade haunsle, paye kadgan nap nap ro Asin ghabru sik de shehar de, saade khwaban naal widaan Asin khaali khokhe zaat de, saanu chunjhan maaran kaan Asin mausam kache ishq de, saadi dhup bane na chhan Saade matthe bhare lakeer de, saadi qismat mool na thaan Asin mujrim ishq de jurm de, asin sufnay lay udeek Sache laggan roz adalatan, saanu paye jaye roz tareek Nit aasaan la la baithiye, nit dil te maariye leek Kadeen chhikke chan asmaan te, kadeen mitti lave dhareg Asin jamdan naal de ghabre, asin qismat naal khafa Kadeen pathran de wich khedde, kadeen turde dhoor ura Asin bhoole waang kabootran, asin pagal waang hawa Asin apne aap ibadati, asin apne aap Khuda