ہنسیں اور ایک بار پھر خود کو دھوکہ دیں
ہنسیں اور ایک بار خود کو ایک دھوکہ اور دیں کہیں کہ شکر ہے کہ خوف رولنے کی رُت گئی وہ خوف جو بدن میں پھیل پھیل کر لہو اُچھالتا رہا وہ خوف جو دلوں کو اتنے سال پالتا رہا لکھیں، ہم اپنے سب مسافروں کو روز خط لکھیں لکھیں کہ اب وطن میں کوئی بھی سحر سیاہ رات کی طرح نہیں رہی فقط عجیب سے خموش جھپٹّے میں قید ہے اور اب تمام بستیاں کچھ اس طرح کے راہزنوں کے ہاتھ ہیں کہ جن کے جسم اور دل چھُپے ہوئے ہیں نرم رُو محافظوں کی کھال ہیں وہ ہاو ہو، وہ دندناتی بجلیوں کا ناگوار شور دھیما پڑ گیا ہے جھوٹ مُوٹ بارشوں کے بے سُرے الاپ سے اگرچہ روح کی سڑاند اب بھی آرہی ہے ساری چمنیوں کی بھاپ سے لکھیں، بڑی ہی احتیاط سے لکھیں کہ لوگ مَر تو اب بھی روز ہی رہے ہیں سینکڑوں مگر بہت سکون سے کہ اُن کی گردنوں پہ اُن کے قاتلوں کی اُنگلیوں کا کوئی بھی نشاں نہیں ہنسیں، اور ایک بار خود کو ایک دھوکہ اور دیں سُنیں، اگر کہیں کوئی کراہ کوئی چیخ تو سماعتوں کو دوش دیں سُنیں جو سچ کبھی خود اپنے آپ سے تو اسِ کبیر جرم میں زباں میں اپنے سارے دانت گاڑ دیں اور اپنے ہاتھ سے خود اپنے دامنوں کو پھاڑ دیں گلہ کوئی دلوں میں رہ گیا ہو تو نکال دیں دیا بُجھا کے آنکھ آئینے کی سرد آنکھ میں بڑے ہی اعتماد اور بہادری سے ڈال دیں کہ پھر کہیں کوئی خلش کبھی صدا نہ دے سکے ہنسیں اور آج آپ اپنا سارا کچھ خوشی سے بے حساب خود فریبیوں کو سونپ دیں قدیم مصر کے سبھی بچے کھچے، خداؤں کو یقین کی مری ہوئی ہتھیلیاں بھی سونپ دیں سبھی سُنہری تختیوں کو درمیاں سے توڑ کر کہانیاں بھی بخش دیں پہیلیاں بھی سونپ دیں اُٹھا کے اپنی گڑیا، اپنی بانسری، قلم، دُعائیں مُسکرا کے راہزنوں کو جان سے عزیز تر سہیلیاں بھی سونپ دیں ہنسیں اور ایک بار خود کو ایک دھوکہ اور دیں ہنسیں اور آج تو کچھ اتنے زور سے ہنسیں کہ پھر فضا میں دُور دُور تک سکوت گونجتا رہے سکوت گونجتا رہے، سکوت گونجتا رہے
English rendering
Hansein Aur ek baar khud ko ek dhoka aur dein Kahen ke shukr hai ke khauf rulane ki rut gai Woh khauf jo badan mein phail phail kar lahoo uchhalta raha Woh khauf jo dilon ko itne saal paalta raha Likhein, hum apne sab musafiron ko roz khat likhein Likhein ke ab watan mein koi bhi sehar siyah raat ki tarah nahin rahi Faqat ajeeb se khamosh jhapaTTe mein qaid hai Aur ab tamam bastiyan kuchh is tarah ke raahzanon ke haath hain ke Jin ke jism aur dil chhupe hue hain narm-roo muhafizon ki khaal mein Woh hao hoo, woh dandanati bijliyon ka na-gawar shor dheema pad gaya hai Jhoot mooT baarishon ke be-sure alaap se Agarche rooh ki saDand ab bhi aa rahi hai saari chimniyon ki bhaap se Likhein, badi hi ehtiyat se likhein Ke log mar to ab bhi roz hi rahe hain sainkdon Magar bahut sukoon se Ke un ki gardanon pe un ke qatilon ki ungliyon ka koi bhi nishaan nahin Hansein, aur ek baar khud ko ek dhoka aur dein Sunen, agar kahin koi karah koi cheekh to sama'aton ko dosh dein Sunen jo sach kabhi khud apne aap se To is kabir jurm mein zabaan mein apne saare daant gaad dein Aur apne haath se khud apne daamanon ko phaad dein Gila koi dilon mein rah gaya ho to nikal dein Diya bujha ke aankh aaine ki sard aankh mein bade hi aetmaad aur bahaduri se daal dein Ke phir kahin koi khalish kabhi sada na de sake Hansein Aur aaj aap apna saara kuchh khushi se be-hisaab khud-farebon ko sonp dein Qadeem Misr ke sabhi bachche khuchche, Khudaon ko Yaqeen ki mari hui hatheliyan bhi sonp dein Sabhi sunahri takhtiyon ko darmiyan se tod kar Kahaniyan bhi bakhsh dein Paheliyan bhi sonp dein Utha ke apni gudiya, apni bansuri, qalam, duaen Muskura ke Raahzanon ko Jaan se azeez tar saheliyan bhi sonp dein Hansein aur ek baar khud ko ek dhoka aur dein Hansein Aur aaj to kuchh itne zor se hansein ke phir Faza mein door door tak sukoot goonjta rahe Sukoot goonjta rahe, sukoot goonjta rahe