پھاڑوں نہ گریبان , دمادم نہ کروں میں
پھاڑوں نہ گریبان , دمادم نہ کروں میں احساس کو اظہار سے باہم نہ کروں میں میں روز اٹھاتا ہوں کسی خواب کی میت اور آپ یہ کہتے ہیں کہ ماتم نہ کروں میں سمجھاتا تو ہوں خود کو کہ مضبوط رکھوں دل اور آنکھ کوتنہاٸی میں بھی نم نہ کروں میں چلانے پہ کہتے ہو بغاوت ھے بغاوت اور صبر پہ کہتے ہو کبھی کم نہ کروں میں خاموش رہوں گر تو انہیں چین نہیں ھے کچھ بولوں تو کہتےہیں کہ برہم نہ کروں میں اک شخص دکھا دو مجھے ہنستا ہوا دل سے یعنی کہ یہ سب دیکھ کےبھی غم نہ کروں صد حیف جو مظلوم کی آواز نہ بن پاوں صد حیف اگر شعر کو پرچم نہ کروں میں کل کس کو دکھا پاوں گا منہ روزقیامت نظریہءحق اب جو مقدم نہ کروں میں فرحت میں حسین ابن علی والا ہوں سن لو مرجاوں مگر مر کے بھی سر خم نہ کروں میں
English rendering
PhaaDon na girebaan, damadam na karoon main Ehsas ko izhaar se baham na karoon main Main roz uthata hoon kisi khwab ki mayyat Aur aap yeh kehte hain ke maatam na karoon main Samjhata to hoon khud ko ke mazboot rakhoon dil Aur aankh ko tanhai mein bhi nam na karoon main Chilaane pe kehte ho baghawat hai baghawat Aur sabr pe kehte ho kabhi kam na karoon main Khamosh rahoon gar to unhein chain nahin hai Kuchh boloon to kehte hain ke barham na karoon main Ek shakhs dikha do mujhe hansta hua dil se Yaani ke yeh sab dekh ke bhi gham na karoon Sad haif jo mazloom ki awaaz na ban paaun Sad haif agar sher ko parcham na karoon main Kal kis ko dikha paaunga munh roz-e-qayamat Nazriya-e-Haq ab jo muqaddam na karoon main Farhatؔ main Hussain ibn-e-Ali wala hoon sun lo Mar jaaun magar mar ke bhi sar kham na karoon main