اداس شامیں، اجاڑ رستے کبھی بلائیں تو لوٹ آنا
اداس شامیں، اجاڑ رستے کبھی بلائیں تو لوٹ آنا کسی کی آنکھوں میں رتجگوں کے عذاب آئیں تو لوٹ آنا ابھی نئی وادیوں ، نئے منظروں میں رہ لو مگر میری جاں یہ سارے اک ایک کرکے جب تم کو چھوڑ جائیں تو لوٹ آنا نئے زمانوں کا کرب اوڑھے ضعیف لمحے نڈھال یادیں تمہارے خوابوں کے بند کمروں میں لوٹ آئیں تو لوٹ آنا اگر اندھیروں میں چھوڑ کر تم کو بھول جائیں تمہارے ساتھی اور اپنی خاطر ھی اپنے اپنے دئیے جلائیں تو لوٹ انا مری وہ باتیں تو جن پہ بے اختیار ھنستا تھا کھلکھلا کر بچھڑنے والے مری وہ باتیں کبھی رلائیں تو لوٹ آنا
English rendering
Udaas shaamen, ujaad raste kabhi bulayen to laut aana Kisi ki aankhon mein ratjagon ke azaab aayen to laut aana Abhi nayi waadiyon, naye manzaron mein rah lo magar meri jaan Yeh saare ek ek karke jab tum ko chhod jaayen to laut aana Naye zamanon ka karb odhe zaeef lamhe nidhaal yaadein Tumhare khwabon ke band kamron mein laut aayen to laut aana Agar andheron mein chhod kar tum ko bhool jaayen tumhare saathi Aur apni khaatir hi apne apne diye jalayen to laut aana Meri woh baaten to jin pe be-ikhtiyar hansta tha khilkhila kar Bichhadne wale meri woh baaten kabhi rulayen to laut aana