اب اکثر چپ چپ سے رہیں ہیں یونہی کبھو لب کھولیں ہیں
اب اکثر چپ چپ سے رہیں ہیں یونہی کبھو لب کھولیں ہیں پہلے فراقؔ کو دیکھا ہوتا اب تو بہت کم بولیں ہیں دن میں ہم کو دیکھنے والو اپنے اپنے ہیں اوقات جاؤ نہ تم ان خشک آنکھوں پر ہم راتوں کو رو لیں ہیں فطرت میری عشق و محبت قسمت میری تنہائی کہنے کی نوبت ہی نہ آئی ہم بھی کسو کے ہو لیں ہیں خنک سیہ مہکے ہوئے سائے پھیل جائیں ہیں جل تھل پر کن جتنوں سے میری غزلیں رات کا جوڑا کھولیں ہیں باغ میں وہ خواب آور عالم موج صبا کے اشاروں پر ڈالی ڈالی نورس پتے سہج سہج جب ڈولیں ہیں اف وہ لبوں پر موج تبسم جیسے کروٹیں لیں کوندے ہائے وہ عالم جنبش مژگاں جب فتنے پر تولیں ہیں نقش و نگار غزل میں جو تم یہ شادابی پاؤ ہو ہم اشکوں میں کائنات کے نوک قلم کو ڈبو لیں ہیں ان راتوں کو حریم ناز کا اک عالم ہوئے ہے ندیم خلوت میں وہ نرم انگلیاں بند قبا جب کھولیں ہیں غم کا فسانہ سننے والو آخر شب آرام کرو کل یہ کہانی پھر چھیڑیں گے ہم بھی ذرا اب سو لیں ہیں ہم لوگ اب تو اجنبی سے ہیں کچھ تو بتاؤ حال فراقؔ اب تو تمہیں کو پیار کریں ہیں اب تو تمہیں سے بولیں ہیں
English rendering
Ab aksar chup chup se rahein hain yunhi kabhoo lab kholen hain Pehle Firaq ko dekha hota ab to bahut kam bolen hain Din mein hum ko dekhne walo apne apne hain auqat Jao na tum in khushk aankhon par hum raaton ko ro len hain Fitrat meri ishq o mohabbat qismat meri tanhai Kehne ki naubat hi na aayi hum bhi kasu ke ho len hain Khunak siyah mehke hue saaye phail jaayen hain jal thal par Kin jitnon se meri ghazlen raat ka joda kholen hain Bagh mein woh khwab-awar alam mauj-e-saba ke isharon par Dali dali nauras patte sehaj sehaj jab dolen hain Uff woh labon par mauj-e-tabassum jaise karwatein len konde Haaye woh alam jumbish-e-mizhgan jab fitne par tolen hain Naqsh o nigaar-e-ghazal mein jo tum yeh shadabi pao ho Hum ashkon mein kainat ke nok-e-qalam ko dubo len hain In raaton ko hareem-e-naaz ka ek alam hue hai Nadeem Khalwat mein woh naram ungliyan band-e-qaba jab kholen hain Gham ka fasana sunne walo aakhir-e-shab aaram karo Kal yeh kahani phir chhedenge hum bhi zara ab so len hain Hum log ab to ajnabi se hain kuchh to batao haal-e-Firaq Ab to tumhein ko pyar karein hain ab to tumhein se bolen hain