وہ چپ چاپ آنسو بہانے کی راتیں
وہ چپ چاپ آنسو بہانے کی راتیں وہ اک شخص کے یاد آنے کی راتیں شب مہ کی وہ ٹھنڈی آنچیں وہ شبنم ترے حسن کے رسمسانے کی راتیں جوانی کی دوشیزگی کا تبسم گل زار کے وہ کھلانے کی راتیں پھواریں سی نغموں کی پڑتی ہوں جیسے کچھ اس لب کے سننے سنانے کی راتیں مجھے یاد ہے تیری ہر صبح رخصت مجھے یاد ہیں تیرے آنے کی راتیں پر اسرار سی میری عرض تمنا وہ کچھ زیر لب مسکرانے کی راتیں سر شام سے رتجگا کے وہ ساماں وہ پچھلے پہر نیند آنے کی راتیں سر شام سے تا سحر قرب جاناں نہ جانے وہ تھیں کس زمانے کی راتیں سر میکدہ تشنگی کی وہ قسمیں وہ ساقی سے باتیں بنانے کی راتیں ہم آغوشیاں شاہد مہرباں کی زمانے کے غم بھول جانے کی راتیں فراقؔ اپنی قسمت میں شاید نہیں تھے ٹھکانے کے دن یا ٹھکانے کی راتیں
English rendering
Wo chup chaap aansoo bahane ki raatein Wo ek shakhs ke yaad aane ki raatein Shab-e-mah ki wo thandi aanchein wo shabnam Tere husn ke rasmisane ki raatein Jawani ki dosheezagi ka tabassum Gulzar ke wo khilanae ki raatein Phuwarein si naghmon ki padti hon jaise Kuchh is lab ke sunne sunane ki raatein Mujhe yaad hai teri har subh-e-rukhsat Mujhe yaad hain tere aane ki raatein Pur-asrar si meri arz-e-tamanna Wo kuchh zer-e-lab muskurane ki raatein Sar-e-sham se ratjaga ke wo samaan Wo pichle pehar neend aane ki raatein Sar-e-sham se ta sehar qurb-e-jaanan Na jaane wo theen kis zamane ki raatein Sar-e-maikada tishnagi ki wo qasmein Wo saqi se baatein banane ki raatein Ham-aaghoshiyan shaahid-e-meharbaan ki Zamane ke gham bhool jaane ki raatein Firaq! apni qismat mein shayad nahin the Thikane ke din ya thikane ki raatein