زمیں بدلی فلک بدلا مذاق زندگی بدلا
زمیں بدلی فلک بدلا مذاق زندگی بدلا تمدن کے قدیم اقدار بدلے آدمی بدلا خدا و اہرمن بدلے وہ ایمان دوئی بدلا حدود خیر و شر بدلے مذاق کافری بدلا نئے انسان کا جب دور خود نا آگہی بدلا رموز بے خودی بدلے تقاضائے خودی بدلا بدلتے جا رہے ہیں ہم بھی دنیا کو بدلنے میں نہیں بدلی ابھی دنیا تو دنیا کو ابھی بدلا نئی منزل کے میر کارواں بھی اور ہوتے ہیں پرانے خضر رہ بدلے وہ طرز رہبری بدلا کبھی سوچا بھی ہے اے نظم کہنہ کے خداوندو تمہارا حشر کیا ہوگا جو یہ عالم کبھی بدلا ادھر پچھلے سے اہل مال و زر پر رات بھاری ہے ادھر بیداری جمہور کا انداز بھی بدلا زہے سوز غم آدم خوشا ساز دل آدم اسی اک شمع کی لو نے جہان تیرگی بدلا نئے منصور ہیں صدیوں پرانے شیخ و قاضی ہیں نہ فتوے کفر کے بدلے نہ عذر دار ہی بدلا بتائے تو بتائے اس کو تیری شوخئ پنہاں تری چشم توجہ ہے کہ طرز بے رخی بدلا بہ فیض آدم خاکی زمیں سونا اگلتی ہے اسی ذرے نے دور مہر و ماہ و مشتری بدلا ستارے جاگتے ہیں رات لٹ چھٹکائے سوتی ہے دبے پاؤں کسی نے آ کے خواب زندگی بدلا فراقؔ ہمنوائے میرؔ و غالبؔ اب نئے نغمے وہ بزم زندگی بدلی وہ رنگ شاعری بدلا
English rendering
Zameen badli falak badla mazaq-e-zindagi badla Tamaddun ke qadeem aqdaar badle aadmi badla Khuda o ahrman badle voh imaan-e-do'i badla Hudood-e-khair o shar badle mazaq-e-kaafiri badla Na.e insaan ka jab daur-e-khud na-aagahi badla Rumooz-e-bekhudi badle taqaza-e-khudi badla Badalte ja rahe hain hum bhi duniya ko badalne mein Nahin badli abhi duniya to duniya ko abhi badla Na'i manzil ke meer-e-karvaan bhi aur hote hain Purane Khizr-e-rah badle voh tarz-e-rahbari badla Kabhi socha bhi hai ai nazm-e-kohna ke khudaavando Tumhara hashr kya hoga jo yeh aalam kabhi badla Idhar pichle se ahl-e-maal o zar par raat bhaari hai Idhar bedari-e-jamhoor ka andaaz bhi badla Zahe soz-e-gham-e-aadam khusha saaz-e-dil-e-aadam Isi ek shama' ki lau ne jahan-e-teeragi badla Na.e Mansoor hain sadiyon purane shaikh o qazi hain Na fatve kufr ke badle na uzr daar hi badla Bata.e to bata.e us ko teri shokhi-e-pinhan Teri chashm-e-tavajjoh hai ke tarz-e-be-rukhi badla Ba faiz-e-aadam-e-khaki zameen sona ugalti hai Isi zarre ne daur-e-mehr o mah o mushtari badla Sitaare jaagte hain raat luT chhiTka.e soti hai Dabe paaon kisi ne aa ke khwab-e-zindagi badla Firaq hamnava-e-Meer o Ghalib ab na.e naghme Voh bazm-e-zindagi badli voh rang-e-sha'iri badla