یہ نرم نرم ہوا جھلملا رہے ہیں چراغ
یہ نرم نرم ہوا جھلملا رہے ہیں چراغ ترے خیال کی خوشبو سے بس رہے ہیں دماغ دلوں کو تیرے تبسم کی یاد یوں آئی کہ جگمگا اٹھیں جس طرح مندروں میں چراغ جھلکتی ہے کھنچی شمشیر میں نئی دنیا حیات و موت کے ملتے نہیں ہیں آج دماغ حریف سینۂ مجروح و آتش غم عشق نہ گل کی چاک گریبانیاں نہ لالے کے داغ وہ جن کے حال میں لو دے اٹھے غم فردا وہی ہیں انجمن زندگی کے چشم و چراغ تمام شعلۂ گل ہے تمام موج بہار کہ تا حد نگہ شوق لہلہاتے ہیں باغ نئی زمین نیا آسماں نئی دنیا سنا تو ہے کہ محبت کو ان دنوں ہے فراغ جو تہمتیں نہ اٹھیں اک جہاں سے ان کے سمیت گناہ گار محبت نکل گئے بے داغ جو چھپ کے تاروں کی آنکھوں سے پاؤں دھرتا ہے اسی کے نقش کف پا سے جل اٹھے ہیں چراغ جہان راز ہوئی جا رہی ہے آنکھ تری کچھ اس طرح وہ دلوں کا لگا رہی ہے سراغ زمانہ کود پڑا آگ میں یہی کہہ کر کہ خون چاٹ کے ہو جائے گی یہ آگ بھی باغ نگاہیں مطلع نو پر ہیں ایک عالم کی کہ مل رہا ہے کسی پھوٹتی کرن کا سراغ دلوں میں داغ محبت کا اب یہ عالم ہے کہ جیسے نیند میں ڈوبے ہوں پچھلی رات چراغ فراقؔ بزم چراغاں ہے محفل رنداں سجے ہیں پگھلی ہوئی آگ سے چھلکتے ایاغ
English rendering
Yeh narm narm hawa jhilmila rahe hain chiragh Tere khayal ki khushboo se bas rahe hain dimagh Dilon ko tere tabassum ki yaad yoon aayi Ke jagmagaga uthein jis tarah mandiron mein chiragh Jhalakti hai kheenchi shamshir mein nayi duniya Hayat-o-maut ke milte nahin hain aaj dimagh Hareef-e-seena-e-majrooh-o-aatish-e-gham-e-ishq Na gul ki chaak-garebaniyan na lale ke daagh Wo jin ke haal mein lau de uthe gham-e-farda Wahi hain anjuman-e-zindagi ke chashm-o-chiragh Tamaam shola-e-gul hai tamaam mauj-e-bahar Ke ta had-e-nigah-e-shauq lehlaha rahe hain bagh Nayi zameen naya aasmaan nayi duniya Suna to hai ke mohabbat ko in dinon hai faragh Jo tohmatain na uthein ek jahan se unke samet Gunahgar-e-mohabbat nikal gaye be-daagh Jo chhup ke taaron ki aankhon se paaon dharta hai Usi ke naqsh-e-kaf-e-pa se jal uthe hain chiragh Jahan raaz hui ja rahi hai aankh teri Kuchh is tarah wo dilon ka laga rahi hai suragh Zamana kood pada aag mein yehi keh kar Ke khoon chaat ke ho jaayegi yeh aag bhi bagh Nigahein matla-e-nau par hain ek aalam ki Ke mil raha hai kisi phoot-ti kiran ka suragh Dilon mein daagh-e-mohabbat ka ab yeh aalam hai Ke jaise neend mein doobe hon pichhli raat chiragh Firaq! bazm-e-chiraghaan hai mehfil-e-rindaan Saje hain pighli hui aag se chhalkate ayaagh