زندگی درد کی کہانی ہے
زندگی درد کی کہانی ہے چشم انجم میں بھی تو پانی ہے بے نیازانہ سن لیا غم دل مہربانی ہے مہربانی ہے وہ بھلا میری بات کیا مانے اس نے اپنی بھی بات مانی ہے شعلۂ دل ہے یہ کہ شعلہ ساز یا ترا شعلۂ جوانی ہے وہ کبھی رنگ وہ کبھی خوشبو گاہ گل گاہ رات رانی ہے بن کے معصوم سب کو تاڑ گئی آنکھ اس کی بڑی سیانی ہے آپ بیتی کہو کہ جگ بیتی ہر کہانی مری کہانی ہے دونوں عالم ہیں جس کے زیر نگیں دل اسی غم کی راجدھانی ہے ہم تو خوش ہیں تری جفا پر بھی بے سبب تیری سرگرانی ہے سر بہ سر یہ فراز مہر و قمر تیری اٹھتی ہوئی جوانی ہے آج بھی سن رہے ہیں قصۂ عشق گو کہانی بہت پرانی ہے ضبط کیجے تو دل ہے انگارا اور اگر روئیے تو پانی ہے ہے ٹھکانا یہ در ہی اس کا بھی دل بھی تیرا ہی آستانی ہے ان سے ایسے میں جو نہ ہو جائے نو جوانی ہے نو جوانی ہے دل مرا اور یہ غم دنیا کیا ترے غم کی پاسبانی ہے گردش چشم ساقیٔ دوراں دور افلاک کی بھی پانی ہے اے لب ناز کیا ہیں وہ اسرار خامشی جن کی ترجمانی ہے مے کدوں کے بھی ہوش اڑنے لگے کیا تری آنکھ کی جوانی ہے خودکشی پر ہے آج آمادہ ارے دنیا بڑی دوانی ہے کوئی اظہار ناخوشی بھی نہیں بد گمانی سی بد گمانی ہے مجھ سے کہتا تھا کل فرشتۂ عشق زندگی ہجر کی کہانی ہے بحر ہستی بھی جس میں کھو جائے بوند میں بھی وہ بیکرانی ہے مل گئے خاک میں ترے عشاق یہ بھی اک امر آسمانی ہے زندگی انتظار ہے تیرا ہم نے اک بات آج جانی ہے کیوں نہ ہو غم سے ہی قماش اس کا حسن تصویر شادمانی ہے سونی دنیا میں اب تو میں ہوں اور ماتم عشق آنجہانی ہے کچھ نہ پوچھو فراقؔ عہد شباب رات ہے نیند ہے کہانی ہے
English rendering
Zindagi dard ki kahani hai Chashm-e-anjum mein bhi to paani hai Be-niyazana sun liya gham-e-dil Meherbani hai meherbani hai Voh bhala meri baat kya maane Us ne apni bhi baat mani hai Shola-e-dil hai yeh ke shola-saaz Ya tera shola-e-javani hai Voh kabhi rang voh kabhi khushboo Gaah gul gaah raat raani hai Ban ke ma'soom sab ko taaR gai Aankh us ki baRi siyaani hai Aap beeti kaho ke jag beeti Har kahani meri kahani hai Donon aalam hain jis ke zer-e-nigeeN Dil usi gham ki rajdhani hai Ham to khush hain teri jafa par bhi Be-sabab teri sargiraani hai Sar ba sar yeh Firaq mehr o qamar Teri uThti hui javani hai Aaj bhi sun rahe hain qissa-e-ishq Go kahani bahut purani hai Zabt kije to dil hai angaara Aur agar ro.iye to paani hai Hai Thikana yeh dar hi is ka bhi Dil bhi tera hi aastaani hai In se aise mein jo na ho jaa.e Naujavani hai naujavani hai Dil mera aur yeh gham-e-duniya Kya tere gham ki paasbani hai Gardish-e-chashm-e-saaqi-e-dauraan Daur-e-aflaak ki bhi paani hai Ai lab-e-naaz kya hain voh asraar Khamoshi jin ki tarjumani hai Ma'ekadon ke bhi hosh uRne lage Kya teri aankh ki javani hai Khudkushi par hai aaj amada Are duniya baRi davani hai Koi izhaar-e-nakhooshi bhi nahin Badgumani si badgumani hai Mujh se kehta tha kal farishta-e-ishq Zindagi hijr ki kahani hai Bahr-e-hasti bhi jis mein kho jaa.e Boond mein bhi voh be-kiraani hai Mil ga.e khaak mein tere ushshaaq Yeh bhi ek amar-e-aasmani hai Zindagi intizaar hai tera Ham ne ek baat aaj jaani hai Kyon na ho gham se hi qamaash is ka Husn-e-tasveer-e-shaadmani hai Soni duniya mein ab to main hoon aur Maatam-e-ishq-e-anjahani hai Kuchh na poochho Firaq ahd-e-shabaab Raat hai neend hai kahani hai