اب دور آسماں ہے نہ دور حیات ہے
اب دور آسماں ہے نہ دور حیات ہے اے درد ہجر تو ہی بتا کتنی رات ہے ہر کائنات سے یہ الگ کائنات ہے حیرت سرائے عشق میں دن ہے نہ رات ہے جینا جو آ گیا تو اجل بھی حیات ہے اور یوں تو عمر خضر بھی کیا بے ثبات ہے کیوں انتہائے ہوش کو کہتے ہیں بے خودی خورشید ہی کی آخری منزل تو رات ہے ہستی کو جس نے زلزلہ ساماں بنا دیا وہ دل قرار پائے مقدر کی بات ہے یہ موشگافیاں ہیں گراں طبع عشق پر کس کو دماغ کاوش ذات و صفات ہے توڑا ہے لا مکاں کی حدوں کو بھی عشق نے زندان عقل تیری تو کیا کائنات ہے گردوں شرار برق دل بے قرار دیکھ جن سے یہ تیری تاروں بھری رات رات ہے گم ہو کے ہر جگہ ہیں زخود رفتگان عشق ان کی بھی اہل کشف و کرامات ذات ہے ہستی بجز فنائے مسلسل کے کچھ نہیں پھر کس لیے یہ فکر قرار و ثبات ہے اس جان دوستی کا خلوص نہاں نہ پوچھ جس کا ستم بھی غیرت صد التفات ہے یوں تو ہزار درد سے روتے ہیں بد نصیب تم دل دکھاؤ وقت مصیبت تو بات ہے عنوان غفلتوں کے ہیں قربت ہو یا وصال بس فرصت حیات فراقؔ ایک رات ہے
English rendering
Ab daur-e-aasman hai na daur-e-hayat hai Ae dard-e-hijr tu hi bata kitni raat hai Har kainat se yeh alag kainat hai Hairat-sarai-e-ishq mein din hai na raat hai Jeena jo aa gaya to ajal bhi hayat hai Aur yun to umr-e-khizr bhi kya be-sabat hai Kyun intiha-e-hosh ko kehte hain be-khudi Khurshid hi ki aakhri manzil to raat hai Hasti ko jis ne zalzala-samaan bana diya Woh dil qarar paaye muqaddar ki baat hai Yeh mooshgafiyan hain giran tab-e-ishq par Kis ko dimagh-e-kawish-e-zaat o sifat hai Toda hai la-makan ki hadon ko bhi ishq ne Zindan-e-aql teri to kya kainat hai Gardoon sharar-e-barq-e-dil-e-be-qarar dekh Jin se yeh teri taron bhari raat raat hai Gum ho ke har jagah hain zakhud-raftagan-e-ishq Un ki bhi ahl-e-kashf-o-karamaat zaat hai Hasti ba-juz fana-e-musalsal ke kuchh nahin Phir kis liye yeh fikr-e-qarar o sabat hai Is jaan-e-dosti ka khuloos-e-nihan na poochh Jis ka sitam bhi ghairat-e-sad-iltefat hai Yun to hazar dard se rote hain bad-naseeb Tum dil dikhao waqt-e-museebat to baat hai Unwan-e-ghaflaton ke hain qurbat ho ya visal Bas fursat-e-hayat Firaq ek raat hai