ہاتھ آئے تو وہی دامن جاناں ہو جائے
ہاتھ آئے تو وہی دامن جاناں ہو جائے چھوٹ جائے تو وہی اپنا گریباں ہو جائے عشق اب بھی ہے وہ محرم بیگانہ نما حسن یوں لاکھ چھپے لاکھ نمایاں ہو جائے ہوش و غفلت سے بہت دور ہے کیفیت عشق اس کی ہر بے خبری منزل عرفاں ہو جائے یاد آتی ہے جب اپنی تو تڑپ جاتا ہوں میری ہستی ترا بھولا ہوا پیماں ہو جائے آنکھ وہ ہے جو تری جلوہ گہہ ناز بنے دل وہی ہے جو سراپا ترا ارماں ہو جائے پاک بازان محبت میں جو بے باکی ہے حسن گر اس کو سمجھ لے تو پشیماں ہو جائے سہل ہو کر ہوئی دشوار محبت تیری اسے مشکل جو بنا لیں تو کچھ آساں ہو جائے عشق پھر عشق ہے جس روپ میں جس بھیس میں ہو عشرت وصل بنے یا غم ہجراں ہو جائے کچھ مداوا بھی ہو مجروح دلوں کا اے دوست مرہم زخم ترا جور پشیماں ہو جائے یہ بھی سچ ہے کوئی الفت میں پریشاں کیوں ہو یہ بھی سچ ہے کوئی کیوں کر نہ پریشاں ہو جائے عشق کو عرض تمنا میں بھی لاکھوں پس و پیش حسن کے واسطے انکار بھی آساں ہو جائے جھلملاتی ہے سر بزم جہاں شمع خودی جو یہ بجھ جائے چراغ رہ عرفاں ہو جائے سر شوریدہ دیا دشت و بیاباں بھی دیے یہ مری خوبیٔ قسمت کہ وہ زنداں ہو جائے عقدۂ عشق عجب عقدۂ مہمل ہے فراقؔ کبھی لاحل کبھی مشکل کبھی آساں ہو جائے
English rendering
Haath aaye to wahi daaman-e-jaanan ho jaaye Chhoot jaaye to wahi apna garebaan ho jaaye Ishq ab bhi hai wo mehram-e-begana-numa Husn yoon lakh chhupe lakh numayan ho jaaye Hosh-o-ghaflat se bahut door hai kaifiyat-e-ishq Uski har be-khabari manzil-e-irfaan ho jaaye Yaad aati hai jab apni to tadap jaata hoon Meri hasti tera bhoola hua paimaan ho jaaye Aankh wo hai jo teri jalwa-gah-e-naaz bane Dil wahi hai jo sarapa tera armaan ho jaaye Paak-bazaan-e-mohabbat mein jo be-baaki hai Husn gar usko samajh le to pashemaan ho jaaye Sehl ho kar hui dushwaar mohabbat teri Usay mushkil jo bana lein to kuch aasaan ho jaaye Ishq phir ishq hai jis roop mein jis bhes mein ho Ishrat-e-wasl bane ya gham-e-hijran ho jaaye Kuchh madawa bhi ho majrooh dilon ka aye dost Marham-e-zakhm tera jaur-e-pashemaan ho jaaye Yeh bhi sach hai koi ulfat mein pareshan kyun ho Yeh bhi sach hai koi kyun kar na pareshan ho jaaye Ishq ko arz-e-tamanna mein bhi lakhon pas-o-pesh Husn ke waste inkar bhi aasaan ho jaaye Jhilmilati hai sar-e-bazm-e-jahan shama-e-khudi Jo yeh bujh jaaye charagh-e-rah-e-irfaan ho jaaye Sar-e-shorida diya dasht-o-bayaban bhi diye Yeh meri khoobi-e-qismat ke wo zindan ho jaaye Uqda-e-ishq ajab uqda-e-muhmal hai Firaq! Kabhi laa-hal kabhi mushkil kabhi aasaan ho jaaye