ہجر و وصال یار کا پردہ اٹھا دیا
ہجر و وصال یار کا پردہ اٹھا دیا خود بڑھ کے عشق نے مجھے میرا پتا دیا گرد و غبار ہستئ فانی اڑا دیا اے کیمیائے عشق مجھے کیا بنا دیا وہ سامنے ہے اور نظر سے چھپا دیا اے عشق بے حجاب مجھے کیا دکھا دیا وہ شان خامشی کہ بہاریں ہیں منتظر وہ رنگ گفتگو کہ گلستاں بنا دیا دم لے رہی تھیں حسن کی جب سحر کاریاں ان وقفہ ہائے کفر کو ایماں بنا دیا معلوم کچھ مجھی کو ہیں ان کی روانیاں جن قطرہ ہائے اشک کو دریا بنا دیا اک برق بے قرار تھی تمکین حسن بھی جس وقت عشق کو غم صبر آزما دیا ساقی مجھے بھی یاد ہیں وہ تشنہ کامیاں جن کو حریف ساغر و مینا بنا دیا معلوم ہے حقیقت غم ہائے روزگار دنیا کو تیرے درد نے دنیا بنا دیا اے شوخئ نگاہ کرم مدتوں کے بعد خواب گران غم سے مجھے کیوں جگا دیا کچھ شورشیں تغافل پنہاں میں تھیں جنہیں ہنگامہ زار حشر تمنا بنا دیا بڑھتا ہی جا رہا ہے جمال نظر فریب حسن نظر کو حسن خود آرا بنا دیا پھر دیکھنا نگاہ لڑی کس سے عشق کی گر حسن نے حجاب تغافل اٹھا دیا جب خون ہو چکا دل ہستیٔ اعتبار کچھ درد بچ رہے جنہیں انساں بنا دیا گم کروۂ وفور غم انتظار ہوں تو کیا چھپا کہ مجھ کو مجھی سے چھپا دیا رات اب حریف صبح قیامت ہی کیوں نہ ہو جو کچھ بھی ہو اس آنکھ کو اب تو جگا دیا اب میں ہوں اور لطف و کرم کے تکلفات یہ کیوں حجاب رنجش بے جا بنا دیا تھی یوں تو شام ہجر مگر پچھلی رات کو وہ درد اٹھا فراقؔ کہ میں مسکرا دیا
English rendering
Hijr-o-wisaal-e-yaar ka parda utha diya Khud badh ke ishq ne mujhe mera pata diya Gard-o-ghubar-e-hasti-e-faani uda diya Aye keemiya-e-ishq mujhe kya bana diya Wo saamne hai aur nazar se chhupa diya Aye ishq-e-be-hijab mujhe kya dikha diya Wo shaan-e-khamoshi ke baharein hain muntazir Wo rang-e-guftagoo ke gulistan bana diya Dam le rahi theen husn ki jab sehar-kariyan Un waqfa-haaye-kufr ko imaan bana diya Maaloom kuchh mujhi ko hain unki rawaniyan Jin qatra-haaye-ashk ko darya bana diya Ek barq-e-be-qarar thi tamkeen-e-husn bhi Jis waqt ishq ko gham-e-sabr-aazma diya Saqi mujhe bhi yaad hain wo tishna-kaamiyan Jin ko hareer-e-saaghar-o-meena bana diya Maaloom hai haqeeqat-e-gham-haaye-rozgar Duniya ko tere dard ne duniya bana diya Aye shokhi-e-nigah-e-karam muddaton ke baad Khwab-e-giraan-e-gham se mujhe kyun jaga diya Kuchh shorishein taghaful-e-pinhan mein theen jinhein Hangama-zaar-e-hashr-e-tamanna bana diya Badhta hi ja raha hai jamaal-e-nazar-fareb Husn-e-nazar ko husn-e-khud-aara bana diya Phir dekhna nigah ladi kis se ishq ki Gar husn ne hijab-e-taghaful utha diya Jab khoon ho chuka dil-e-hasti-e-etebar Kuchh dard bach rahe jinhein insaan bana diya Gum karo-e-wafur-e-gham-e-intezar hoon Tu kya chhupa ke mujh ko mujhi se chhupa diya Raat ab hareer-e-subh-e-qayamat hi kyun na ho Jo kuchh bhi ho us aankh ko ab to jaga diya Ab main hoon aur lutf-o-karam ke takallufat Yeh kyun hijab-e-ranjish-e-be-ja bana diya Thi yoon to sham-e-hijr magar pichhli raat ko Wo dard utha Firaq! ke main muskurara diya