مجھ کو مارا ہے ہر اک درد و دوا سے پہلے
مجھ کو مارا ہے ہر اک درد و دوا سے پہلے دی سزا عشق نے ہر جرم و خطا سے پہلے آتش عشق بھڑکتی ہے ہوا سے پہلے ہونٹ جلتے ہیں محبت میں دعا سے پہلے فتنے برپا ہوئے ہر غنچۂ سربستہ سے کھل گیا راز چمن چاک قبا سے پہلے چال ہے بادۂ ہستی کا چھلکتا ہوا جام ہم کہاں تھے ترے نقش کف پا سے پہلے اب کمی کیا ہے ترے بے سر و سامانوں کو کچھ نہ تھا تیری قسم ترک وفا سے پہلے عشق بے باک کو دعوے تھے بہت خلوت میں کھو دیا سارا بھرم شرم و حیا سے پہلے خود بخود چاک ہوئے پیرہن لالہ و گل چل گئی کون ہوا باد صبا سے پہلے ہم سفر راہ عدم میں نہ ہو تاروں بھری رات ہم پہنچ جائیں گے اس آبلہ پا سے پہلے پردۂ شرم میں صد برق تبسم کے نثار ہوش جاتے رہے نیرنگ حیا سے پہلے موت کے نام سے ڈرتے تھے ہم اے شوق حیات تو نے تو مار ہی ڈالا تھا قضا سے پہلے بے تکلف بھی ترا حسن خود آرا تھا کبھی اک ادا اور بھی تھی حسن ادا سے پہلے غفلتیں ہستئ فانی کی بتا دیں گی تجھے جو مرا حال تھا احساس فنا سے پہلے ہم انہیں پا کے فراقؔ اور بھی کچھ کھوئے گئے یہ تکلف تو نہ تھے عہد وفا سے پہلے
English rendering
Mujh ko mara hai har ek dard-o-dawa se pehle Di saza ishq ne har jurm-o-khata se pehle Aatish-e-ishq bhadakti hai hawa se pehle Hont jalte hain mohabbat mein dua se pehle Fitne barpa hue har ghuncha-e-sar-basta se Khul gaya raaz-e-chaman chaak-e-qaba se pehle Chaal hai baada-e-hasti ka chhalkata hua jaam Hum kahan the tere naqsh-e-kaf-e-pa se pehle Ab kami kya hai tere be-sar-o-samaan walon ko Kuchh na tha teri qasam tark-e-wafa se pehle Ishq-e-be-baak ko da'we the bahut khilwat mein Kho diya saara bharam sharm-o-haya se pehle Khud ba khud chaak hue pairahan-e-lala-o-gul Chal gayi kaun hawa baad-e-saba se pehle Hum safar-e-rah-e-adam mein na ho taaron bhari raat Hum pahunch jayenge us aabla-pa se pehle Parda-e-sharm mein sad barq-e-tabassum ke nisaar Hosh jaate rahe nairang-e-haya se pehle Maut ke naam se darte the hum aye shauq-e-hayat Tu ne to maar hi daala tha qaza se pehle Be-takalluf bhi tera husn-e-khud-aara tha kabhi Ek ada aur bhi thi husn-e-ada se pehle Ghaflatain hasti-e-faani ki bata dengi tujhe Jo mera haal tha ehsaas-e-fana se pehle Hum unhein pa ke Firaq! aur bhi kuchh khoye gaye Yeh takalluf to na the ahd-e-wafa se pehle