نگاہ ناز نے پردے اٹھائے ہیں کیا کیا
نگاہ ناز نے پردے اٹھائے ہیں کیا کیا حجاب اہل محبت کو آئے ہیں کیا کیا جہاں میں تھی بس اک افواہ تیرے جلووں کی چراغ دیر و حرم جھلملائے ہیں کیا کیا دو چار برق تجلی سے رہنے والوں نے فریب نرم نگاہی کے کھائے ہیں کیا کیا دلوں پہ کرتے ہوئے آج آتی جاتی چوٹ تری نگاہ نے پہلو بچائے ہیں کیا کیا نثار نرگس مے گوں کہ آج پیمانے لبوں تک آئے ہوئے تھرتھرائے ہیں کیا کیا وہ اک ذرا سی جھلک برق کم نگاہی کی جگر کے زخم نہاں مسکرائے ہیں کیا کیا چراغ طور جلے آئنہ در آئینہ حجاب برق ادا نے اٹھائے ہیں کیا کیا بقدر ذوق نظر دید حسن کیا ہو مگر نگاہ شوق میں جلوے سمائے ہیں کیا کیا کہیں چراغ کہیں گل کہیں دل برباد خرام ناز نے فتنے اٹھائے ہیں کیا کیا تغافل اور بڑھا اس غزال رعنا کا فسون غم نے بھی جادو جگائے ہیں کیا کیا ہزار فتنۂ بیدار خواب رنگیں میں چمن میں غنچۂ گل رنگ لائے ہیں کیا کیا ترے خلوص نہاں کا تو آہ کیا کہنا سلوک اچٹے بھی دل میں سمائے ہیں کیا کیا نظر بچا کے ترے عشوہ ہائے پنہاں نے دلوں میں درد محبت اٹھائے ہیں کیا کیا پیام حسن پیام جنوں پیام فنا تری نگہ نے فسانے سنائے ہیں کیا کیا تمام حسن کے جلوے تمام محرومی بھرم نگاہ نے اپنے گنوائے ہیں کیا کیا فراقؔ راہ وفا میں سبک روی تیری بڑے بڑوں کے قدم ڈگمگائے ہیں کیا کیا
English rendering
Nigah-e-naaz ne parde uthaye hain kya kya Hijab-e-ahl-e-mohabbat ko aaye hain kya kya Jahan mein thi bas ek afwah tere jalwon ki Chiragh-e-dair-o-haram jhilmilaye hain kya kya Do chaar barq-e-tajalli se rehne walon ne Fareb-e-narm-nigahi ke khaye hain kya kya Dilon pe karte hue aaj aati jaati chot Teri nigah ne pehloo bachaye hain kya kya Nisar-e-nargis-e-may-goon ke aaj paimaane Labon tak aaye hue thartharaye hain kya kya Wo ek zara si jhalak barq-e-kam-nigahi ki Jigar ke zakhm-e-nihan muskuraye hain kya kya Chiragh-e-toor jale aayina dar aayina Hijab-e-barq-e-ada ne uthaye hain kya kya Ba-qadr-e-zauq-e-nazar deed-e-husn kya ho magar Nigah-e-shauq mein jalwe samaye hain kya kya Kahin chiragh kaheen gul kaheen dil barbaad Khiraam-e-naaz ne fitne uthaye hain kya kya Taghaful aur badha us ghazal-e-ra'ana ka Fasoon-e-gham ne bhi jaadu jagaye hain kya kya Hazaar fitna-e-bedar khwab-e-rangeen mein Chaman mein ghuncha-e-gul rang laaye hain kya kya Tere khuloos-e-nihan ka to aah kya kehna Sulook-e-uchhte bhi dil mein samaye hain kya kya Nazar bacha ke tere ishwa-haaye-pinhan ne Dilon mein dard-e-mohabbat uthaye hain kya kya Payam-e-husn payam-e-junoon payam-e-fana Teri nigah ne fasane sunaye hain kya kya Tamaam husn ke jalwe tamaam mehroomi Bharam-e-nigah ne apne ganwaye hain kya kya Firaq! rah-e-wafa mein sabuk-ravi teri Bade badon ke qadam dagmagaye hain kya kya