رس میں ڈوبا ہوا لہراتا بدن کیا کہنا
رس میں ڈوبا ہوا لہراتا بدن کیا کہنا کروٹیں لیتی ہوئی صبح چمن کیا کہنا نگہ ناز میں یہ پچھلے پہر رنگ خمار نیند میں ڈوبی ہوئی چندر کرن کیا کہنا باغ جنت پہ گھٹا جیسے برس کے کھل جائے یہ سہانی تری خوشبوئے بدن کیا کہنا ٹھہری ٹھہری سی نگاہوں میں یہ وحشت کی کرن چونکے چونکے سے یہ آہوئے ختن کیا کہنا روپ سنگیت نے دھارا ہے بدن کا یہ رچاؤ تجھ پہ لہلوٹ ہے بے ساختہ پن کیا کہنا جیسے لہرائے کوئی شعلہ کمر کی یہ لچک سر بسر آتش سیال بدن کیا کہنا جس طرح جلوۂ فردوس ہواؤں سے چھنے پیرہن میں ترے رنگینیٔ تن کیا کہنا جلوہ و پردے کا یہ رنگ دم نظارہ جس طرح ادھ کھلے گھونگھٹ میں دلہن کیا کہنا دم تقریر کھل اٹھتے ہیں گلستاں کیا کیا یوں تو اک غنچۂ نورس ہے دہن کیا کہنا دل کے آئینے میں اس طرح اترتی ہے نگاہ جیسے پانی میں لچک جائے کرن کیا کہنا لہلہاتا ہوا یہ قد یہ لہکتا جوبن زلف سو مہکی ہوئی راتوں کا بن کیا کہنا تو محبت کا ستارہ تو جوانی کا سہاگ حسن لو دیتا ہے لعل یمن کیا کہنا تیری آواز سویرا تری باتیں تڑکا آنکھیں کھل جاتی ہیں اعجاز سخن کیا کہنا زلف شب گوں کی چمک پیکر سیمیں کی دمک دیپ مالا ہے سر گنگ و جمن کیا کہنا نیلگوں شبنمی کپڑوں میں بدن کی یہ جوت جیسے چھنتی ہو ستاروں کی کرن کیا کہنا
English rendering
Ras mein dooba hua lehrata badan kya kehna Karwatein leti hui subh-e-chaman kya kehna Nigah-e-naaz mein yeh pichle pehar rang-e-khumar Neend mein doobi hui chandrakiran kya kehna Bagh-e-jannat pe ghata jaise baras ke khul jaaye Yeh suhani teri khushboo-e-badan kya kehna Thehri thehri si nigahon mein yeh wahshat ki kiran Chaunke chaunke se yeh aahoo-e-khatan kya kehna Roop sangeet ne dhaara hai badan ka yeh rachao Tujh pe lehlot hai be-sakhta-pan kya kehna Jaise lehraye koi shola kamar ki yeh lachak Sar ba sar aatish-e-sayyal badan kya kehna Jis tarah jalwa-e-firdaus hawaaon se chhanne Pairahan mein tere rangeeni-e-tan kya kehna Jalwa-o-parde ka yeh rang-e-dam-e-nazzara Jis tarah udh-khule ghoonghat mein dulhan kya kehna Dam-e-taqreer khul uthte hain gulistan kya kya Yoon to ek ghuncha-e-nauras hai dahan kya kehna Dil ke aayine mein is tarah utarti hai nigah Jaise paani mein lachak jaaye kiran kya kehna Lehlahata hua yeh qad yeh lehakta joban Zulf sau mahki hui raaton ka ban kya kehna Tu mohabbat ka sitara tu jawani ka suhaag Husn lau deta hai laal-e-yaman kya kehna Teri awaaz savera teri baatein tadka Aankhein khul jaati hain eejaz-e-sukhan kya kehna Zulf-e-shab-goon ki chamak paikar-e-seemeen ki damak Deep-mala hai sar-e-gang-o-jaman kya kehna Neelgoon shabnami kapdon mein badan ki yeh jot Jaise chhanti ho sitaron ki kiran kya kehna