رکی رکی سی شب مرگ ختم پر آئی
رکی رکی سی شب مرگ ختم پر آئی وہ پو پھٹی وہ نئی زندگی نظر آئی یہ موڑ وہ ہے کہ پرچھائیاں بھی دیں گی نہ ساتھ مسافروں سے کہو اس کی رہ گزر آئی فضا تبسم صبح بہار تھی لیکن پہنچ کے منزل جاناں پہ آنکھ بھر آئی کہیں زمان و مکاں میں ہے نام کو بھی سکوں مگر یہ بات محبت کی بات پر آئی کسی کی بزم طرب میں حیات بٹتی تھی امید واروں میں کل موت بھی نظر آئی کہاں ہر ایک سے انسانیت کا بار اٹھا کہ یہ بلا بھی ترے عاشقوں کے سر آئی دلوں میں آج تری یاد مدتوں کے بعد بہ چہرۂ متبسم بہ چشم تر آئی نیا نہیں ہے مجھے مرگ ناگہاں کا پیام ہزار رنگ سے اپنی مجھے خبر آئی فضا کو جیسے کوئی راگ چیرتا جائے تری نگاہ دلوں میں یوں ہی اتر آئی ذرا وصال کے بعد آئنہ تو دیکھ اے دوست ترے جمال کی دوشیزگی نکھر آئی ترا ہی عکس سرشک غم زمانہ میں تھا نگاہ میں تری تصویر سی اتر آئی عجب نہیں کہ چمن در چمن بنے ہر پھول کلی کلی کی صبا جا کے گود بھر آئی شب فراقؔ اٹھے دل میں اور بھی کچھ درد کہوں یہ کیسے تری یاد رات بھر آئی
English rendering
Ruki ruki si shab-e-marg khatm par aayi Wo pau phati wo nayi zindagi nazar aayi Yeh mod wo hai ke parchhaiyan bhi dengi na saath Musafiron se kaho uski rah-guzar aayi Fiza-e-tabassum-e-subh-e-bahar thi lekin Pahunch ke manzil-e-jaanan pe aankh bhar aayi Kahin zamaan-o-makaan mein hai naam ko bhi sukoon Magar yeh baat mohabbat ki baat par aayi Kisi ki bazm-e-tarab mein hayat bat-ti thi Umeed-waron mein kal maut bhi nazar aayi Kahan har ek se insaniyat ka baar utha Ke yeh bala bhi tere aashiqon ke sar aayi Dilon mein aaj teri yaad muddaton ke baad Ba-chehra-e-mutabassum ba-chashm-e-tar aayi Naya nahin hai mujhe marg-e-nagahan ka payam Hazaar rang se apni mujhe khabar aayi Fiza ko jaise koi raag chirta jaaye Teri nigah dilon mein yoon hi utar aayi Zara wisaal ke baad aayina to dekh aye dost Tere jamaal ki dosheezagi nikhar aayi Tera hi aks sar-ashk-e-gham-e-zamana mein tha Nigah mein teri tasveer si utar aayi Ajab nahin ke chaman dar chaman bane har phool Kali kali ki saba ja ke god bhar aayi Shab-e-Firaq! uthe dil mein aur bhi kuchh dard Kahoon yeh kaise teri yaad raat bhar aayi