سمجھتا ہوں کہ تو مجھ سے جدا ہے
سمجھتا ہوں کہ تو مجھ سے جدا ہے شب فرقت مجھے کیا ہو گیا ہے ترا غم کیا ہے بس یہ جانتا ہوں کہ میری زندگی مجھ سے خفا ہے کبھی خوش کر گئی مجھ کو تری یاد کبھی آنکھوں میں آنسو آ گیا ہے حجابوں کو سمجھ بیٹھا میں جلوہ نگاہوں کو بڑا دھوکا ہوا ہے بہت دور اب ہے دل سے یاد تیری محبت کا زمانہ آ رہا ہے نہ جی خوش کر سکا تیرا کرم بھی محبت کو بڑا دھوکا رہا ہے کبھی تڑپا گیا ہے دل ترا غم کبھی دل کو سہارا دے گیا ہے شکایت تیری دل سے کرتے کرتے اچانک پیار تجھ پر آ گیا ہے جسے چونکا کے تو نے پھیر لی آنکھ وہ تیرا درد اب تک جاگتا ہے جہاں ہے موجزن رنگینئ حسن وہیں دل کا کنول لہرا رہا ہے گلابی ہوتی جاتی ہیں فضائیں کوئی اس رنگ سے شرما رہا ہے محبت تجھ سے تھی قبل از محبت کچھ ایسا یاد مجھ کو آ رہا ہے جدا آغاز سے انجام سے دور محبت اک مسلسل ماجرا ہے خدا حافظ مگر اب زندگی میں فقط اپنا سہارا رہ گیا ہے محبت میں فراقؔ اتنا نہ غم کر زمانے میں یہی ہوتا رہا ہے
English rendering
Samajhta hoon ke tu mujh se juda hai Shab-e-furqat mujhe kya ho gaya hai Tera gham kya hai bas yeh jaanta hoon Ke meri zindagi mujh se khafa hai Kabhi khush kar gayi mujh ko teri yaad Kabhi aankhon mein aansoo aa gaya hai Hijabon ko samajh baitha main jalwa Nigahon ko bada dhoka hua hai Bahut door ab hai dil se yaad teri Mohabbat ka zamana aa raha hai Na ji khush kar saka tera karam bhi Mohabbat ko bada dhoka raha hai Kabhi tadpa gaya hai dil tera gham Kabhi dil ko sahara de gaya hai Shikayat teri dil se karte karte Achanak pyar tujh par aa gaya hai Jise chaunka ke tu ne pher li aankh Wo tera dard ab tak jaagta hai Jahan hai maujzan rangeeni-e-husn Waheen dil ka kanwal lehra raha hai Gulabi hoti jaati hain fizaaein Koi is rang se sharma raha hai Mohabbat tujh se thi qabl az mohabbat Kuchh aisa yaad mujh ko aa raha hai Juda aaghaz se anjaam se door Mohabbat ek musalsal maajra hai Khuda hafiz magar ab zindagi mein Faqat apna sahara reh gaya hai Mohabbat mein Firaq! itna na gham kar Zamane mein yehi hota raha hai