شام غم کچھ اس نگاہ ناز کی باتیں کرو
شام غم کچھ اس نگاہ ناز کی باتیں کرو بے خودی بڑھتی چلی ہے راز کی باتیں کرو یہ سکوت ناز یہ دل کی رگوں کا ٹوٹنا خامشی میں کچھ شکست ساز کی باتیں کرو نکہت زلف پریشاں داستان شام غم صبح ہونے تک اسی انداز کی باتیں کرو ہر رگ دل وجد میں آتی رہے دکھتی رہے یوں ہی اس کے جا و بے جا ناز کی باتیں کرو جو عدم کی جان ہے جو ہے پیام زندگی اس سکوت راز اس آواز کی باتیں کرو عشق رسوا ہو چلا بے کیف سا بیزار سا آج اس کی نرگس غماز کی باتیں کرو نام بھی لینا ہے جس کا اک جہان رنگ و بو دوستو اس نو بہار ناز کی باتیں کرو کس لیے عذر تغافل کس لیے الزام عشق آج چرخ تفرقہ پرواز کی باتیں کرو کچھ قفس کی تیلیوں سے چھن رہا ہے نور سا کچھ فضا کچھ حسرت پرواز کی باتیں کرو جو حیات جاوداں ہے جو ہے مرگ ناگہاں آج کچھ اس ناز اس انداز کی باتیں کرو عشق بے پروا بھی اب کچھ ناشکیبا ہو چلا شوخئ حسن کرشہ ساز کی باتیں کرو جس کی فرقت نے پلٹ دی عشق کی کایا فراقؔ آج اس عیسیٰ نفس دم ساز کی باتیں کرو
English rendering
Sham-e-gham kuchh is nigah-e-naaz ki baatein karo Be-khudi badhti chali hai raaz ki baatein karo Yeh sukoot-e-naaz yeh dil ki ragon ka tootna Khamoshi mein kuchh shikast-e-saaz ki baatein karo Nikhat-e-zulf-e-pareshan dastaan-e-sham-e-gham Subh hone tak isi andaaz ki baatein karo Har rag-e-dil wajd mein aati rahe dukhti rahe Yoon hi uske jaa-o-be-ja naaz ki baatein karo Jo adam ki jaan hai jo hai payam-e-zindagi Us sukoot-e-raaz us awaaz ki baatein karo Ishq ruswa ho chala be-kaif sa bezaar sa Aaj uski nargis-e-ghammaz ki baatein karo Naam bhi lena hai jiska ek jahan rang-o-boo Dosto us nau-bahar-e-naaz ki baatein karo Kis liye uzr-e-taghaful kis liye ilzam-e-ishq Aaj charkh-e-tafriqa-parwaaz ki baatein karo Kuchh qafas ki teeliyon se chhan raha hai noor sa Kuchh fiza kuchh hasrat-e-parwaaz ki baatein karo Jo hayat-e-jawidaan hai jo hai marg-e-nagahan Aaj kuchh is naaz is andaaz ki baatein karo Ishq be-parwa bhi ab kuchh nashakeba ho chala Shokhi-e-husn-e-karishma-saaz ki baatein karo Jiski furqat ne palat di ishq ki kaaya Firaq! Aaj us Eesa-nafz dam-saaz ki baatein karo