ستاروں سے الجھتا جا رہا ہوں
ستاروں سے الجھتا جا رہا ہوں شب فرقت بہت گھبرا رہا ہوں ترے غم کو بھی کچھ بہلا رہا ہوں جہاں کو بھی سمجھتا جا رہا ہوں یقیں یہ ہے حقیقت کھل رہی ہے گماں یہ ہے کہ دھوکے کھا رہا ہوں اگر ممکن ہو لے لے اپنی آہٹ خبر دو حسن کو میں آ رہا ہوں حدیں حسن و محبت کی ملا کر قیامت پر قیامت ڈھا رہا ہوں خبر ہے تجھ کو اے ضبط محبت ترے ہاتھوں میں لٹتا جا رہا ہوں اثر بھی لے رہا ہوں تیری چپ کا تجھے قائل بھی کرتا جا رہا ہوں بھرم تیرے ستم کا کھل چکا ہے میں تجھ سے آج کیوں شرما رہا ہوں انہیں میں راز ہیں گلباریوں کے میں جو چنگاریاں برسا رہا ہوں جو ان معصوم آنکھوں نے دیے تھے وہ دھوکے آج تک میں کھا رہا ہوں ترے پہلو میں کیوں ہوتا ہے محسوس کہ تجھ سے دور ہوتا جا رہا ہوں حد جور و کرم سے بڑھ چلا حسن نگاہ یار کو یاد آ رہا ہوں جو الجھی تھی کبھی آدم کے ہاتھوں وہ گتھی آج تک سلجھا رہا ہوں محبت اب محبت ہو چلی ہے تجھے کچھ بھولتا سا جا رہا ہوں اجل بھی جن کو سن کر جھومتی ہے وہ نغمے زندگی کے گا رہا ہوں یہ سناٹا ہے میرے پاؤں کی چاپ فراقؔ اپنی کچھ آہٹ پا رہا ہوں
English rendering
Sitaron se ulajhta ja raha hoon Shab-e-furqat bahut ghabra raha hoon Tere gham ko bhi kuchh behla raha hoon Jahan ko bhi samajhta ja raha hoon Yaqeen yeh hai haqeeqat khul rahi hai Gumaan yeh hai ke dhoke kha raha hoon Agar mumkin ho le le apni aahat Khabar do husn ko main aa raha hoon Hadein husn-o-mohabbat ki mila kar Qayamat par qayamat dha raha hoon Khabar hai tujh ko aye zabt-e-mohabbat Tere haathon mein lut-ta ja raha hoon Asar bhi le raha hoon teri chup ka Tujhe qail bhi karta ja raha hoon Bharam tere sitam ka khul chuka hai Main tujh se aaj kyun sharma raha hoon Inhein mein raaz hain gulbariyon ke Main jo chingaariyan barsa raha hoon Jo un masoom aankhon ne diye the Wo dhoke aaj tak main kha raha hoon Tere pehloo mein kyun hota hai mehsoos Ke tujh se door hota ja raha hoon Had-e-jaur-o-karam se badh chala husn Nigah-e-yaar ko yaad aa raha hoon Jo ulajhi thi kabhi Adam ke haathon Wo guthi aaj tak suljha raha hoon Mohabbat ab mohabbat ho chali hai Tujhe kuchh bhoolta sa ja raha hoon Ajal bhi jin ko sun kar jhoomti hai Wo naghme zindagi ke ga raha hoon Yeh sannata hai mere paaon ki chaap Firaq! apni kuchh aahat pa raha hoon