تیز احساس خودی درکار ہے
تیز احساس خودی درکار ہے زندگی کو زندگی درکار ہے جو چڑھا جائے خمستان جہاں ہاں وہی لب تشنگی درکار ہے دیوتاؤں کا خدا سے ہوگا کام آدمی کو آدمی درکار ہے سو گلستاں جس اداسی پر نثار مجھ کو وہ افسردگی درکار ہے شاعری ہے سربسر تہذیب قلب اس کو غم شائستگی درکار ہے شعلہ میں لاتا ہے جو سوز و گداز وہ خلوص باطنی درکار ہے خوبیٔ لفظ و بیاں سے کچھ سوا شاعری کو ساحری درکار ہے قادر مطلق کو بھی انسان کی سنتے ہیں بے چارگی درکار ہے اور ہوں گے طالب مدح جہاں مجھ کو بس تیری خوشی درکار ہے عقل میں یوں تو نہیں کوئی کمی اک ذرا دیوانگی درکار ہے ہوش والوں کو بھی میری رائے میں ایک گونہ بے خودی درکار ہے خطرۂ بسیار دانی کی قسم علم میں بھی کچھ کمی درکار ہے دوستو کافی نہیں چشم خرد عشق کو بھی روشنی درکار ہے میری غزلوں میں حقائق ہیں فقط آپ کو تو شاعری درکار ہے تیرے پاس آیا ہوں کہنے ایک بات مجھ کو تیری دوستی درکار ہے میں جفاؤں کا نہ کرتا یوں گلہ آج تیری ناخوشی درکار ہے اس کی زلف آراستہ پیراستہ اک ذرا سی برہمی درکار ہے زندہ دل تھا تازہ دم تھا ہجر میں آج مجھ کو بے دلی درکار ہے حلقہ حلقہ گیسوئے شب رنگ یار مجھ کو تیری ابتری درکار ہے عقل نے کل میرے کانوں میں کہا مجھ کو تیری زندگی درکار ہے تیز رو تہذیب عالم کو فراقؔ اک ذرا آہستگی درکار ہے
English rendering
Tez ehsaas-e-khudi darkar hai Zindagi ko zindagi darkar hai Jo chadha jaaye khumistan-e-jahan Haan wahi lab-tishnagi darkar hai Devtaon ka Khuda se hoga kaam Aadmi ko aadmi darkar hai Sau gulistan jis udasi par nisaar Mujh ko wo afsurdagi darkar hai Shairi hai sar-ba-sar tehzeeb-e-qalb Usko gham-e-shaaistagi darkar hai Shola mein laata hai jo soz-o-gudaz Wo khuloos-e-baatini darkar hai Khoobi-e-lafz-o-bayaan se kuchh siwa Shairi ko saahiri darkar hai Qadir-e-mutlaq ko bhi insaan ki Sunte hain be-charagi darkar hai Aur honge talib-e-madh-e-jahan Mujh ko bas teri khushi darkar hai Aql mein yoon to nahin koi kami Ek zara deewangi darkar hai Hosh walon ko bhi meri raaye mein Ek goona be-khudi darkar hai Khatra-e-bisyar-dani ki qasam Ilm mein bhi kuchh kami darkar hai Dosto kaafi nahin chashm-e-khirad Ishq ko bhi roshni darkar hai Meri ghazlon mein haqaiq hain faqat Aap ko to shairi darkar hai Tere paas aaya hoon kehne ek baat Mujh ko teri dosti darkar hai Main jafaon ka na karta yoon gila Aaj teri na-khushi darkar hai Uski zulf-e-aarasta pairasta Ek zara si barhami darkar hai Zinda dil tha taza dam tha hijr mein Aaj mujh ko be-dili darkar hai Halqa halqa gaisu-e-shab-rang-e-yar Mujh ko teri abtari darkar hai Aql ne kal mere kaanon mein kaha Mujh ko teri zindagi darkar hai Tez-rau tehzeeb-e-aalam ko Firaq! Ek zara aahistagi darkar hai