طور تھا کعبہ تھا دل تھا جلوہ زار یار تھا
طور تھا کعبہ تھا دل تھا جلوہ زار یار تھا عشق سب کچھ تھا مگر پھر عالم اسرار تھا نشۂ صد جام کیف انتظار یار تھا ہجر میں ٹھہرا ہوا دل ساغر سرشار تھا الوداع اے بزم انجم ہجر کی شب الفراق تا بہ دور زندگانی انتظار یار تھا ایک ادا سے بے نیاز قرب و دوری کر دیا ماورائے وصل و ہجراں حسن کا اقرار تھا جوہر آئینۂ عالم بنے آنسو مرے یوں تو سچ یہ ہے کہ رونا عشق میں بے کار تھا شوخئ رفتار وجہ ہستئ برباد تھی زندگی کیا تھی غبار رہ گزار یار تھا الفت دیرینہ کا جب ذکر اشاروں میں کیا مسکرا کر مجھ سے پوچھا تم کو کس سے پیار تھا دل دکھے روئے ہیں شاید اس جگہ اے کوئے دوست خاک کا اتنا چمک جانا ذرا دشوار تھا ذرہ ذرہ آئنہ تھا خود نمائی کا فراقؔ سر بسر صحرائے عالم جلوہ زار یار تھا
English rendering
Toor tha Kaaba tha dil tha jalwa-zaar-e-yaar tha Ishq sab kuchh tha magar phir aalam-e-israr tha Nasha-e-sad jaam-e-kaif-e-intezar-e-yaar tha Hijr mein thehra hua dil-e-saghar-e-sarshar tha Alwida aye bazm-e-anjum-e-hijr ki shab-e-al-firaq Ta ba daur-e-zindagani intezar-e-yaar tha Ek ada se be-niyaaz qurb-o-doori kar diya Mawra-e-vasl-o-hijran husn ka iqrar tha Jauhar-e-aayine-e-aalam bane aansoo mere Yoon to sach yeh hai ke rona ishq mein be-kaar tha Shokhi-e-raftar wajh-e-hasti-e-barbaad thi Zindagi kya thi ghubar-e-rah-guzar-e-yaar tha Ulfat-e-deereena ka jab zikr isharon mein kiya Muskurakar mujh se poocha tum ko kis se pyar tha Dil dukhe roye hain shayad is jagah aye koo-e-dost Khaak ka itna chamak jaana zara dushwaar tha Zarra zarra aayina tha khud-numayi ka Firaq! Sar ba sar sehra-e-aalam jalwa-zaar-e-yaar tha