گلزار

English rendering

Gulon ko sunna zara tum sada.en bheji hain Gulon ke haath bahut si dua.en bheji hain Jo aaftab kabhi bhi ghuroob hota nahin Hamara dil hai usi ki shu'aa.en bheji hain Agar jala.e tumhein bhi shafa mile shayad Ek aise dard ki tum ko shu'aa.en bheji hain Tumhari khushk si aankhen bhali nahin lagteen Voh saari cheezen jo tum ko rula.en, bheji hain Siyah rang chamakti hu.i kinaari hai Pahan lo achhi lagen gi ghaTa.en bheji hain Tumhare khwab se har shab lippaT ke sote hain Saza.en bhej do hum ne khata.en bheji hain Akela patta hava mein bahut buland uRa Zameen se paaon uTha.o hava.en bheji hain