حامی بھی نہ تھے منکر غالبؔ بھی نہیں تھے
حامی بھی نہ تھے منکر غالبؔ بھی نہیں تھے ہم اہل تذبذب کسی جانب بھی نہیں تھے اس بار بھی دنیا نے ہدف ہم کو بنایا اس بار تو ہم شہہ کے مصاحب بھی نہیں تھے بیچ آئے سر قریۂ زر جوہر پندار جو دام ملے ایسے مناسب بھی نہیں تھے مٹی کی محبت میں ہم آشفتہ سروں نے وہ قرض اتارے ہیں کہ واجب بھی نہیں تھے لو دیتی ہوئی رات سخن کرتا ہوا دن سب اس کے لیے جس سے مخاطب بھی نہیں تھے
English rendering
Haami bhi na the munkir Ghalib bhi nahin the Hum ahl-e-tazabzub kisi jaanib bhi nahin the Is baar bhi duniya ne hadaf hum ko banaya Is baar to hum shah ke musahib bhi nahin the Bech aaye sar-e-qarya-e-zar jauhar-e-pindar Jo daam mile aise munasib bhi nahin the Mitti ki mohabbat mein hum aashufta-saron ne Woh qarz utaare hain ke wajib bhi nahin the Lau deti hui raat, sukhan karta hua din Sab us ke liye jis se mukhatib bhi nahin the