شہر گل کے خس و خاشاک سے خوف آتا ہے
شہر گل کے خس و خاشاک سے خوف آتا ہے جس کا وارث ہوں اسی خاک سے خوف آتا ہے شکل بننے نہیں پاتی کہ بگڑ جاتی ہے نئی مٹی کو نئے چاک سے خوف آتا ہے وقت نے ایسے گھمائے افق آفاق کہ بس محور گردش سفاک سے خوف آتا ہے یہی لہجہ تھا کہ معیار سخن ٹھہرا تھا اب اسی لہجۂ بے باک سے خوف آتا ہے آگ جب آگ سے ملتی ہے تو لو دیتی ہے خاک کو خاک کی پوشاک سے خوف آتا ہے قامت جاں کو خوش آیا تھا کبھی خلعت عشق اب اسی جامۂ صد چاک سے خوف آتا ہے کبھی افلاک سے نالوں کے جواب آتے تھے ان دنوں عالم افلاک سے خوف آتا ہے رحمت سید لولاک پہ کامل ایمان امت سید لولاک سے خوف آتا ہے
English rendering
Shehar-e-gul ke khas-o-khashaak se khauf aata hai Jis ka waaris hoon usi khaak se khauf aata hai Shakl banne nahin paati ke bigad jaati hai Nayi mitti ko naye chaak se khauf aata hai Waqt ne aise ghumaye ufaq aafaaq ke bas Mehvar-e-gardish-e-saffak se khauf aata hai Yahi lahja tha ke mayaar-e-sukhan thehra tha Ab usi lahje-e-be-baak se khauf aata hai Aag jab aag se milti hai to lau deti hai Khaak ko khaak ki poshaak se khauf aata hai Qamat-e-jaan ko khush aaya tha kabhi khil'at-e-ishq Ab isi jaama-e-sad-chaak se khauf aata hai Kabhi aflaak se naalon ke jawab aate the In dinon alam-e-aflaak se khauf aata hai Rehmat-e-Sayyid-e-Laulak pe kaamil imaan Ummat-e-Sayyid-e-Laulak se khauf aata hai