تھکن تو اگلے سفر کے لیے بہانہ تھا
تھکن تو اگلے سفر کے لیے بہانہ تھا اسے تو یوں بھی کسی اور سمت جانا تھا وہی چراغ بجھا جس کی لو قیامت تھی اسی پہ ضرب پڑی جو شجر پرانا تھا متاع جاں کا بدل ایک پل کی سرشاری سلوک خواب کا آنکھوں سے تاجرانہ تھا ہوا کی کاٹ شگوفوں نے جذب کر لی تھی تبھی تو لہجۂ خوشبو بھی جارحانہ تھا وہی فراق کی باتیں وہی حکایت وصل نئی کتاب کا ایک اک ورق پرانا تھا قبائے زرد نگار خزاں پہ سجتی تھی تبھی تو چال کا انداز خسروانہ تھا
English rendering
Thakan to agle safar ke liye bahana tha Use to yoon bhi kisi aur simt jaana tha Wahi charagh bujha jis ki lau qayamat thi Usi pe zarb padi jo shajar purana tha Mata-e-jaan ka badal ek pal ki sarshari Sulook-e-khwab ka aankhon se taajirana tha Hawa ki kaat shagufo ne jazb kar li thi Tabhi to lahja khushboo bhi jarhana tha Wahi firaq ki baten wahi hikayat-e-wasl Nayi kitab ka ek ek waraq purana tha Qaba-e-zard nigaar-e-khizan pe sajti thi Tabhi to chaal ka andaaz khusrawana tha