یہ دُنیا اک سور کے گوشت کی ہڈی کی صورت
یہ دُنیا اک سور کے گوشت کی ہڈی کی صورت کوڑھیوں کے ہاتھ میں ہے اور میں نان و نمک کی جستجو میں دربدر قریہ بہ قریہ مارا مارا پھر رہا ہوں ذرا سی دیر کی جھوٹی فضیلت کے لیے ٹھوکر پہ ٹھوکر کھا رہا ہوں ہر قدم پر منزل عز و شرف سے گر رہا ہوں اور مری انگشتری پر یا علیؑ لکھا ہوا ہے مگر انگشتری پر یا علیؑ کندہ کرا لینے سے کیا ہوگا کہ دل تو مرحبوں کی دسترس میں ہے مسلسل نرغہ ِ حرص و ہوس میں ہے (عجب عالم ہے آنکھیں دیکھتی ہیں اور دل سینوں میں اندھے ہو چکے ہیں) اور ایسے میں کوئی حرفِ دُعا اک خواب بُنتا ہے کبھی سلمان ؓ آتے ہیں کبھی بوذرؓ کبھی میثمؓ کبھی قنبر ؓ میری ڈھارس بندھاتے ہیں کمیلؑ آتے ہیں کہتے ہیں پکارو افتخار عارف پکارو اپنے مولا کو پکارو اپنے مولا کے وسیلے سے پکارو اُجیب دعوت الداع کا دعوی کرنے والے کو پکارو یہ مشکل بھی کوئی مشکل ہے دل چھوٹا نہیں کرتے کریم اپنے غلاموں کو کبھی تنہا نہیں کرتے کبھی رسوا نہیں کرتے
English rendering
Yeh duniya ek su'ar ke gosht ki haddi ki soorat Kodhiyon ke haath mein hai Aur main naan-o-namak ki justujoo mein dar-ba-dar qarya ba qarya mara mara phir raha hoon Zara si der ki jhooti fazeelat ke liye Thokar pe thokkar kha raha hoon har qadam par manzil-e-izz-o-sharaf se gir raha hoon Aur meri angushtari par Ya Ali likha hua hai Magar angushtari par Ya Ali kunda kara lene se kya hoga ke dil to Marhabon ki dastaras mein hai Musalsal nargaha-e-hirs-o-hawas mein hai (Ajab alam hai aankhen dekhti hain aur dil seenon mein andhe ho chuke hain) Aur aise mein koi harf-e-dua ek khwab bunta hai Kabhi Salman aate hain Kabhi Buzar, kabhi Maisam, kabhi Qambar meri dhaaras bandhate hain Kumail aate hain kehte hain Pukaro Iftikhar Arif pukaro Apne Maula ko pukaro apne Maula ke waseele se pukaro Ujeeb Dawat-ud-Da'i ka da'wa karne wale ko pukaro Yeh mushkil bhi koi mushkil hai dil chhota nahin karte Kareem apne ghulamon ko kabhi tanha nahin karte kabhi ruswa nahin karte