اندھراتا
میں پردہ گرانے لگا ہوں پلک سے پلک کو ملانے لگا ہوں زمانہ مرے خوابوں میں آ کے رونے لگا ہے میں اونٹوں کو لے آؤں آخر کہاں جا کے چرنے لگے ہیں جہاں پر پرندے پروں کو نہیں کھولتے ہیں جہاں سرحدیں ہیں فلک جیسی قائم وہاں پاؤں دھرنے لگے ہیں میں اونٹوں کو لے آؤں واپس میں بھیڑوں کو دوہ لوں کئی ماؤں کی چھاتیاں چھپکلی کی طرح سوکھے سینے کی چھت سے اک عرصے سے لٹکی ہوئی ہیں انہیں جا کے موہ لوں کئی فاختائیں جو نکلی تھیں کہہ کر کہ آئیں گی واپس چمکتی دوپہروں سے پہلے وہ مرگ آسا اندھے خلاؤں میں بھٹکی ہوئی ہیں گدھے والا بے وزن روئی کو لادے ہوئے شہر سے لوٹ آیا ہے ہلکی تھی روئی بہت بھاری دن تھا طلا دوز تاجر نے موتی بھی لانے کا اس سے کہا تھا جو رنگیں عروسانہ جوڑے میں جڑنے ہیں ناداں دلہن کو بھی معلوم ہے تیز بارش تو ہونی ہے اولے تو پڑنے ہیں نازک سی ٹہنی پہ جھولا ہے جھولے کی رسی ہے نازک سو رسی میں بل آخر کار پڑے ہیں اندھراتا بڑھنے لگا ہے مچھیرے کو دریا سے واپس بھی آنا ہے تنور میں گیلی شاخیں جلانی ہیں تنور کی طرح خوابوں بھری جل رہی ہے اسے بھی کشادہ بھرے بازوؤں میں تو آنا ہے!!
English rendering
Main parda girane laga hoon Palak se palak ko Milane laga hoon Zamana mere khwabon mein aa ke Rone laga hai Main oonthon ko le aaun Aakhir kahan ja ke charne lage hain Jahan par Parinde paron ko nahin kholte hain Jahan sarhadein hain falak jaisi qaim Wahan paaon dharne lage hain Main oonthon ko le aaun wapas Main bheron ko doh loon Kayi maaon ki chhatiyan Chhipkali ki tarah Sookhe seene ki chhat se Ek arse se latki hui hain Inhen ja ke moh loon Kayi fakhtaaen Jo nikli thin keh kar Ke aaengi wapas Chamakti dopahron se pehle Woh marg-aasa andhe khalaon mein Bhatki hui hain Gadhe wala Be-wazan rooi ko laade hue Shehar se laut aaya hai Halki thi rooi Bohat bhaari din tha Tila doz taajir ne moti bhi Laane ka us se kaha tha Jo rangeen arousana jode mein judne hain Nadaan Dulhan ko bhi maloom hai Tez barish to honi hai Ole to padne hain Naazuk si tehni pe jhoola hai Jhoolay ki rassi hai naazuk So rassi mein bal aakhir kaar pade hain Andherata badhne laga hai Machhere ko darya se wapas bhi aana hai Tanoor mein geeli shakhein jalani hain Tanoor ki tarah Khwabon bhari jal rahi hai Use bhi kushada bhare bazoo'on mein to aana hai!!