یہ صبح کی گھڑی ہے دعا کرنے والا ہوں
یہ صبح کی گھڑی ہے دعا کرنے والا ہوں ارسال تیری سمت صبا کرنے والا ہوں اس کو دکھا رہا ہوں محبت کا راستہ ہوں نیند میں پر اس کا بھلا کرنے والا ہوں واجب سے بھی بلند ذرا سی ہے زندگی فرض کفایہ ہے سو ادا کرنے والا ہوں الفاظ میں بھی ذکر ترا دے رہا ہے لو ارسال کوئی خط میں دیا کرنے والا ہوں دیکھوں گا کیسے کرنی ہے اس سے مفاہمت فی الحال کوئی درد بڑا کرنے والا ہوں یہ رنگ ہے نیا کوئی ممٹی کے ارد گرد پہلے کبوتروں کو رہا کرنے والا ہوں میں رکھ رہا ہوں دست حنائی پہ چند پھول پھولوں کی اور لعلیں قبا کرنے والا ہوں دینا ہے ان خیالوں کو لفظوں کا پیرہن اپنی طرف سے قید ہوا کرنے والا ہوں یہ آج کا ہے تجھ سے مرا آخری کلام یعنی ادا نماز عشا کرنے والا ہوں
English rendering
Yeh subh ki ghadi hai dua karne wala hoon Irsaal teri simt saba karne wala hoon Usko dikha raha hoon mohabbat ka raasta Hoon neend mein par us ka bhala karne wala hoon Wajib se bhi buland zara si hai zindagi Farz-e-kifaya hai so ada karne wala hoon Alfaaz mein bhi zikr tera de raha hai lau Irsaal koi khat mein diya karne wala hoon Dekhunga kaise karni hai us se mufahamat Filhaal koi dard bada karne wala hoon Yeh rang hai naya koi mitti ke ard gird Pehle kabootaron ko riha karne wala hoon Main rakh raha hoon dast-e-hinai pe chand phool Phoolon ki aur la'lin qaba karne wala hoon Dena hai in khayalon ko lafzon ka pairahan Apni taraf se qaid hua karne wala hoon Yeh aaj ka hai tujh se mera aakhri kalam Yaani ada namaz-e-isha karne wala hoon