اگلے جنم موہے بٹیا ہی کیجو
مری بٹیا تجھے بھی میں نے جنما تھا اسی دکھ سے کہ جس دکھ سے ترے بھائی کو جنما تجھے بھی میں نے اپنے تن سے وابستہ رکھا اتنی ہی مدت تک کہ جب تک تیرے بھائی کو مرے تن کے ہر اک دکھ سکھ میں تم دونوں کا حصہ ایک جیسا مادر فطرت نے رکھا تھا مگر تو جس گھڑی دھرتی پہ آئی وراثت بانٹنے والوں نے اپنا فیصلہ لکھا تجھے مجھ سے شکایت ہے کہ میں نے پیار کی تقسیم میں تفریق برتی ہے کھلونے اور آنسو کا جو بٹوارا ہوا اکثر ترے حصے میں آنسو آئے ہیں پیاری تجھے یہ جان کر حیرت تو ہوگی مرے حصے کا اکثر تر نوالہ بھائیوں ہی کو ملا کرتا مگر ماں سے کوئی کیسے گلہ کرتا مری جاں رزق کی تقسیم میں تفریق کا قانون تو صدیوں پرانا ہے وراثت بانٹنے والوں نے جو بھی فیصلہ لکھا اسے ہم نے بجا سمجھا بجا لکھا ہمارا المیہ یہ ہے کہ اپنی راہ کی دیوار ہم خود ہیں یہ عورت ہے کہ جو عورت کے حق میں اب بھی گونگی ہے یہ عورت ہے کہ جو عورت کی امیدوں کی قاتل ہے تو کیا تاریخ خود کو یوں ہی دہراتی رہے گی نہیں ایسا نہیں ہوگا یہ تیری جرأت اظہار یہ بپھرا ہوا لہجہ یقیں مجھ کو دلاتے ہیں تری بیٹی کو یہ شکوہ نہیں ہوگا
English rendering
Meri bitiya Tujhe bhi main ne janma tha isi dukh se Ke jis dukh se tere bhai ko janma Tujhe bhi main ne apne tan se wabasta rakha Itni hi muddat tak Ke jab tak tere bhai ko Mere tan ke har ik dukh sukh mein tum donon ka hissa Ek jaisa madar-e-fitrat ne rakha tha Magar tu jis ghadi dharti pe aai Virasat bantne walon ne apna faisla likha Tujhe mujh se shikayat hai Ke main ne pyar ki taqsim mein tafriq barti hai Khilaune aur aansu ka jo batwara hua aksar Tere hisse mein aansu aaye hain pyari Tujhe ye jaan kar hairat to hogi Mere hisse ka aksar tar niwala bhaiyon hi ko mila karta Magar maa se koi kaise gila karta Meri jaan rizq ki taqsim mein Tafriq ka qanoon to sadiyon purana hai Virasat bantne walon ne jo bhi faisla likha Use hum ne baja samjha baja likha Hamara almiya ye hai Ke apni rah ki diwar hum khud hi hain Ye aurat hai Ke jo aurat ke haq mein ab bhi goongi hai Ye aurat hai Ke jo aurat ki ummeedon ki qatil hai To kya tarikh khud ko yun hi dohrati rahegi Nahin aisa nahin hoga Ye teri jurat-e-izhar ye biphra hua lahja Yaqin mujh ko dilate hain Teri beti ko ye shikwa nahin hoga