رتجگا
وہ میری زندگی کا سب سے پہلا رتجگا تھا جب قدم رکھا تھا میں نے زندگی کی ساتویں شب میں دسمبر کی اکتیس اور عروج ماہ کی وہ آخر شب تھی کہا جاتا ہے اس شب ساتویں آکاش پر تقدیر کے سچے فرشتے نے ترا بندھن ہمیشہ کے لیے یوں مجھ سے باندھا تھا مرے ماتھے پہ کچھ اپنے قلم سے حرف لکھے تھے مری ماں نے اسی شب آیتوں کے سائے میں تاروں کی چھاؤں میں اکیلا چاند دیکھا تھا چراغاں ہی چراغاں تھا مرے پرکھوں کے ہاتھوں میں قلم تھا ایک چاندی کا زباں پر آیتیں تھیں اور ہتھیلی پر پرانا نقرئی پیالہ مرے ماتھے پہ چاندی کے قلم سے ان بزرگوں نے سنہری حرف لکھا تھا چراغاں ہی چراغاں تھا دسمبر کی اکتیس اور عروج ماہ کی پھر آخری شب ہے مگر امشب فرشتے سو چکے وہ بھی جنہوں نے آسماں پر تیرا بندھن مجھ سے باندھا تھا مرے پرکھوں کو بھی نیند آ گئی کب کی کئی پوچھے انہوں نے میرے ماتھے پر جو اجلے حرف لکھے تھے وہ سارے رنگ کچے تھے وہ سارے حرف جھوٹے تھے میں جب سے آج تک اک رت جگے کی کیفیت میں ہوں اکیلا چاند ہنستا ہے فرشتوں کا لکھا اک حرف آنکھوں میں چمکتا ہے چراغاں ہی چراغاں ہے
English rendering
Wo meri zindagi ka sab se pehla rutjaga tha Jab qadam rakha tha main ne zindagi ki saatween shab mein December ki iktis aur urooj-e-maah ki wo aakhir shab thi Kaha jata hai Is shab saatween aakash par taqdeer ke sachche farishte ne Tera bandhan hamesha ke liye yun mujh se bandha tha Mere maathe pe kuch apne qalam se harf likhe the Meri maan ne isi shab Aayaton ke saaye mein Taaron ki chhaon mein Akela chaand dekha tha Charaghan hi charaghan tha Mere parkhon ke haathon mein Qalam tha ek chandi ka Zaban par aayatein thin aur hatheli par Purana nuqrai pyala Mere maathe pe chandi ke qalam se un buzurgon ne Sunahri harf likha tha Charaghan hi charaghan tha December ki iktis aur urooj-e-maah ki phir akhri shab hai Magar imshab Farishte so chuke Wo bhi jinhon ne aasman par tera bandhan mujh se bandha tha Mere parkhon ko bhi neend aa gayi kab ki Kayi poochhe Unhon ne mere maathe par jo ujle harf likhe the Wo saare rang kachche the Wo saare harf jhoote the Main jab se aaj tak ek rutjage ki kaifiyat mein hoon Akela chaand hansta hai Farishton ka likha ek harf aankhon mein chamakta hai Charaghan hi charaghan hai