بے سبب تجھ سے ہر اک بات پہ نالاں ہونا
بے سبب تجھ سے ہر اک بات پہ نالاں ہونا اپنا پیشہ ہی جو ٹھہرا ہے پریشاں ہونا اتنی رسوائیاں سہہ لی ہیں تو اک یہ بھی سہی ہم کو منظور ہے منت کش درباں ہونا تجھ میں کیا بات ہے جو مجھ میں نہیں ہے ظالم ہاں مگر تیرے لیے میرا پریشاں ہونا ہائے اس بزم کے آداب جہاں لازم ہو کبھی حیراں نظر آنا کبھی حیراں ہونا عمر بھر کے لیے کافی ہے وہی ایک جھلک تم کو لازم نہیں ہر شے سے نمایاں ہونا خامشی میری کہیں اور پشیماں نہ کرے تم اگر ہو بھی تو خلوت میں پشیماں ہونا لوگ دیکھیں تو نہ جانے اسے کیا سمجھیں گے آئنہ دیکھنا تیرا مرا حیراں ہونا جیسے ساحل سے چھڑا لیتی ہیں موجیں دامن کتنا سادہ ہے ترا مجھ سے گریزاں ہونا ہیں تیرے رخ پہ وہ تقدیس کے پرتو کہ تجھے زیب دیتا ہی نہیں دشمن ایماں ہونا کیا خبر ان کو کہ ہے کتنا عجیب اے عالیؔ اک گراں شے کا کسی کے لیے ارزاں ہونا
English rendering
Be-sabab tujh se har ek baat pe naalaan hona Apna pesha hi jo thehra hai pareshaan hona Itni ruswaiyan seh li hain to ek yeh bhi sahi Hum ko manzoor hai minnat-kash darbaan hona Tujh mein kya baat hai jo mujh mein nahin hai zaalim Haan magar tere liye mera pareshaan hona Haaye us bazm ke aadaab jahan laazim ho Kabhi hairaan nazar aana, kabhi hairaan hona Umr bhar ke liye kaafi hai wohi ek jhalak Tum ko laazim nahin har shai se numayaan hona Khamoshi meri kahin aur pashemaan na kare Tum agar ho bhi to khalwat mein pashemaan hona Log dekhein to na jaane usay kya samjhenge Aaina dekhna tera, mera hairaan hona Jaise saahil se chhuda leti hain maujein daaman Kitna saada hai tera mujh se gurezaan hona Hain tere rukh pe woh taqdees ke partau ke tujhe Zeb deta hi nahin dushman-e-imaan hona Kya khabar un ko ke hai kitna ajeeb ae Aali Ek giraan shai ka kisi ke liye arzaan hona