کوئی تو شکل محبت میں سازگار آئے
کوئی تو شکل محبت میں سازگار آئے ہنسی نہیں ہے تو رونے سے ہی قرار آئے ہے ایک نعمت عظمیٰ غم محبت بھی مگر یہ شرط کہ انساں کو سازگار آئے جنون دشت پسندی بتائے دیتا ہے گزارنی تھی جو گھر میں وہ ہم گزار آئے گزارنی ہے مجھے عمر تیرے قدموں میں مجھے نہ کیوں ترے وعدوں پہ اعتبار آئے تمہاری بزم سے آ کر وہی خیال رہا ہم ایک بار گئے تم ہزار بار آئے نگاہ دوست کوئی اور بات ہے ورنہ تو بے قرار کرے اور مجھے قرار آئے ہے مطمئن بھی تو کس کس امید و بیم کے ساتھ وہ نا مراد جسے لطف انتظار آئے بتا گئی ہے جو مجھ کو وہ بے قرار نگاہ نہ کہہ سکوں گا اگر آج بھی قرار آئے یہ امتیاز ہے غالبؔ کے بعد عالیؔ کا کہ جس پہ آپ مرے ہیں اسے بھی مار آئے
English rendering
Koi to shakal mohabbat mein saazgaar aaye Hansi nahin hai to rone se hi qaraar aaye Hai ek ne'mat-e-uzma gham-e-mohabbat bhi Magar yeh shart ke insaan ko saazgaar aaye Junoon-e-dasht-pasandi bataye deta hai Guzaarni thi jo ghar mein woh hum guzaar aaye Guzaarni hai mujhe umr tere qadmon mein Mujhe na kyun tere waadon pe e'tibaar aaye Tumhari bazm se aa kar wohi khayal raha Hum ek baar gaye, tum hazaar baar aaye Nigah-e-dost koi aur baat hai warna Tu beqaraar kare aur mujhe qaraar aaye Hai mutma'in bhi to kis kis umeed-o-beem ke saath Woh naa-muraad jise lutf-e-intezaar aaye Bata gayi hai jo mujh ko woh beqaraar nigaah Na keh sakunga agar aaj bhi qaraar aaye Yeh imtiaz hai Ghalib ke baad Aali ka Ke jis pe aap mare hain, usay bhi maar aaye