کچھ دن گزرے عالیؔ صاحب عالیؔ جی کہلاتے تھے
کچھ دن گزرے عالیؔ صاحب عالیؔ جی کہلاتے تھے محفل محفل قریہ قریہ شعر سناتے جاتے تھے قدر سخن ہم کیا جانیں ہاں رنگ سخن کچھ ایسا تھا اچھے اچھے کہنے والے اپنے پاس بٹھاتے تھے غزلوں میں سو رنگ ملا کر اپنا رنگ ابھارا تھا استادوں کے سائے میں کچھ اپنی راہ بناتے تھے گیتوں میں کچھ اور نہ ہو اک کیفیت سی رہتی تھی جب بھی مصرعے رقصاں ہوتے معنی ساز بجاتے تھے دوہے کہنے اور پڑھنے کا ایسا طرز نکالا تھا سننے والے سر دھنتے تھے اور پہروں پڑھواتے تھے سامنے بیٹھی سندر ناریں آپ طلب بن جاتی تھیں پردوں میں سے فرمائش کے سو سو پرچے آتے تھے ''غزلیں دوہے گیت'' کی شہرت ملک سے باہر پھیلی تھی ہندوستاں سے آنے والے تحفوں میں لے جاتے تھے اہل ہنر کی خوشہ چینی ان کو وجہ سعادت تھی بے ہنروں میں اپنی انا کا پرچم بھی لہراتے تھے پھر دیکھا کہ بچہ بچہ ہنستا تھا اور عالیؔ جی فردیں لکھتے مسلیں پڑھتے بیٹھے گلڈ چلاتے تھے
English rendering
Kuch din guzre Aali saahab Aali ji kehlate the Mehfil mehfil qarya qarya sher sunate jaate the Qadr-e-sukhan hum kya jaanen haan rang-e-sukhan kuch aisa tha Acche acche kehne wale apne paas bithate the Ghazalon mein sau rang mila kar apna rang ubhara tha Ustaadon ke saaye mein kuch apni raah banate the Geeton mein kuch aur na ho ik kaifiyat si rehti thi Jab bhi misre raqsan hote ma'ani saaz bajaate the Dohe kehne aur padhne ka aisa tarz nikala tha Sunne wale sar dhunte the aur paharon padhwate the Saamne baithi sundar nariyan aap talab ban jaati thin Pardon mein se farmaish ke sau sau parche aate the ''Ghazlen Dohe Geet'' ki shohrat mulk se bahar phaili thi Hindustan se aane wale tohfon mein le jaate the Ahl-e-hunar ki khosha cheeni un ko wajah-e-sa'adat thi Be-hunaron mein apni ana ka parcham bhi lehrate the Phir dekha ke bachcha bachcha hansta tha aur Aali ji Fardain likhte maslein padhte baithe gullar chalate the