آرزو کے مسافر
جانے کس کی تلاش ان کی آنکھوں میں تھی آرزو کے مسافر بھٹکتے رہے جتنا بھی وہ چلے اتنے ہی بچھ گئے راہ میں فاصلے خواب منزل تھے اور منزلیں خواب تھیں راستوں سے نکلتے رہے راستے جانے کس واسطے آرزو کے مسافر بھٹکتے رہے جن پہ سب چلتے ہیں ایسے سب راستے چھوڑ کے ایک انجان پگڈنڈی کی انگلی تھامے ہوئے اک ستارے سے امید باندھے ہوئے سمت کی ہر گماں کو یقیں مان کے اپنے دل سے کوئی دھوکا کھاتے ہوئے جان کے صحرا صحرا سمندر کو وہ ڈھونڈتے کچھ سرابوں کی جانب رہے گامزن یوں نہیں تھا کہ ان کو خبر ہی نہ تھی یہ سمندر نہیں لیکن ان کو کہیں شاید احساس تھا یہ فریب ان کو محو سفر رکھے گا یہ سبب تھا کہ تھا اور کوئی سبب جو لئے ان کو پھرتا رہا منزلوں منزلوں راستے راستے جانے کس واسطے آرزو کے مسافر بھٹکتے رہے اکثر ایسا ہوا شہر در شہر اور بستی بستی کسی بھی دریچے میں کوئی چراغ محبت نہ تھا بے رخی سے بھری ساری گلیوں میں سارے مکانوں کے دروازے یوں بند تھے جیسے اک سرد خاموش لہجے میں وہ کہہ رہے ہوں مروت کا اور مہربانی کا مسکن کہیں اور ہوگا یہاں تو نہیں ہے یہی ایک منظر سمیٹے تھے شہروں کے پتھریلے سب راستے جانے کس واسطے آرزو کے مسافر بھٹکتے رہے اور کبھی یوں ہوا آرزو کے مسافر تھے جلتی سلگتی ہوئی دھوپ میں کچھ درختوں نے سائے بچھائے مگر ان کو ایسا لگا سائے میں جو سکون اور آرام ہے منزلوں تک پہنچنے نہ دے گا انہیں اور یوں بھی ہوا مہکی کلیوں نے خوشبو کے پیغام بھیجے انہیں ان کو ایسا لگا چند کلیوں پہ کیسے قناعت کریں ان کو تو ڈھونڈھنا ہے وہ گلشن کہ جس کو کسی نے ابھی تک ہے دیکھا نہیں جانے کیوں تھا انہیں اس کا پورا یقیں دیر ہو یا سویر ان کو لیکن کہیں ایسے گلشن کے مل جائیں گے راستے جانے کس واسطے آرزو کے مسافر بھٹکتے رہے دھوپ ڈھلنے لگی بس ذرا دیر میں رات ہو جائے گی آرزو کے مسافر جو ہیں ان کے قدموں تلے جو بھی اک راہ ہے وہ بھی شاید اندھیرے میں کھو جائے گی آرزو کے مسافر بھی اپنے تھکے ہارے بے جان پیروں پہ کچھ دیر تک لڑکھڑائیں گے اور گر کے سو جائیں گے صرف سناٹا سوچے گا یہ رات بھر منزلیں تو انہیں جانے کتنی ملیں یہ مگر منزلوں کو سمجھتے رہے جانے کیوں راستے جانے کس واسطے آرزو کے مسافر بھٹکتے رہے اور پھر اک سویرے کی اجلی کرن تیرگی چیر کے جگمگا دے گی جب ان گنت رہ گزاروں پہ بکھرے ہوئے ان کے نقش قدم عافیت گاہوں میں رہنے والے یہ حیرت سے مجبور ہو کے کہیں گے یہ نقش قدم صرف نقش قدم ہی نہیں یہ تو دریافت ہیں یہ تو ایجاد ہیں یہ تو افکار ہیں یہ تو اشعار ہیں یہ کوئی رقص ہیں یہ کوئی راگ ہیں ان سے ہی تو ہیں آراستہ ساری تہذیب و تاریخ کے وقت کے زندگی کے سبھی راستے وہ مسافر مگر جانتے بوجھتے بھی رہے بے خبر جس کو چھو لیں قدم وہ تو بس راہ تھی ان کی منزل دگر تھی الگ چاہ تھی جو نہیں مل سکے اس کی تھی آرزو جو نہیں ہے کہیں اس کی تھی جستجو شاید اس واسطے آرزو کے مسافر بھٹکتے رہے
English rendering
Jaane kis ki talaash un ki aankhon mein thi Aarzoo ke musafir Bhatakte rahe Jitna bhi woh chale Itne hi bichh gaye Raah mein faasle Khwab manzil the Aur manzilen khwab thin Raaston se nikalte rahe raaste Jaane kis waaste Aarzoo ke musafir bhatakte rahe Jin pe sab chalte hain Aise sab raaste chhod ke Ek anjaan pagdandi ki ungli thaame hue Ik sitare se Umeed baandhe hue simt ki Har gumaan ko yaqeen maan ke Apne dil se Koi dhoka khate hue jaan ke Sahra sahra Samundar ko woh dhoondhte Kuchh saraabon ki jaanib Rahe gaamzan Yun nahin tha Ke un ko khabar hi na thi Ye samundar nahin Lekin un ko kahin Shayad ehsaas tha Ye fareb Un ko mahv-e-safar rakhega Ye sabab tha Ke tha aur koi sabab Jo liye un ko phirta raha Manzilon manzilon Raaste raaste Jaane kis waaste Aarzoo ke musafir bhatakte rahe Aksar aisa hua Shahar dar shahar Aur basti basti Kisi bhi dariche mein Koi chiragh-e-mohabbat na tha Be-rukhi se bhari Saari galiyon mein Saare makanon ke Darwaze yun band the Jaise ik sard Khaamosh lahje mein Woh kah rahe hon Murawwat ka aur mehrbani ka maskan Kahin aur hoga Yahan to nahin hai Yehi ek manzar sameete the Shahron ke patrile sab raaste Jaane kis waaste Aarzoo ke musafir bhatakte rahe Aur kabhi yun hua Aarzoo ke musafir the Jalti sulagti hui dhoop mein Kuchh darakhton ne saaye bichhaye magar Un ko aisa laga Saaye mein jo sukoon Aur aaraam hai Manzilon tak pahunchne na dega unhein Aur yun bhi hua Mahki kaliyon ne khushboo ke paigham bheje unhein Un ko aisa laga Chand kaliyon pe kaise qanaat karein Un ko to dhoondhna hai Woh gulshan ke jis ko Kisi ne abhi tak hai dekha nahin Jaane kyun tha unhein is ka poora yaqeen Der ho ya sawer un ko lekin kahin Aise gulshan ke mil jaayenge raaste Jaane kis waaste Aarzoo ke musafir bhatakte rahe Dhoop dhalne lagi Bas zara der mein raat ho jaayegi Aarzoo ke musafir jo hain Un ke qadmon tale Jo bhi ik raah hai Woh bhi shayad andhere mein kho jaayegi Aarzoo ke musafir bhi Apne thake haare bejaan pairon pe Kuchh der tak larkharayenge Aur gir ke so jaayenge Sirf sannata sochega ye raat bhar Manzilen to unhein jaane kitni milin Ye magar Manzilon ko samajhte rahe jaane kyun raaste Jaane kis waaste Aarzoo ke musafir bhatakte rahe Aur phir ik savere ki ujli kiran Teergi cheer ke Jagmaga degi Jab an gint rahguzaron pe bikhre hue Un ke naqsh-e-qadam Aafiyat gaahon mein rahne wale Ye hairat se majboor ho ke kahenge Ye naqsh-e-qadam sirf naqsh-e-qadam hi nahin Ye to daryaaft hain Ye to ijaad hain Ye to afkaar hain Ye to ash'aar hain Ye koi raqs hain Ye koi raag hain In se hi to hain aaraasta Saari tehzeeb-o-tareekh ke Waqt ke Zindagi ke sabhi raaste Woh musafir magar Jaante boojhte bhi rahe bekhabar Jis ko chhoo len qadam Woh to bas raah thi Un ki manzil digar thi Alag chah thi Jo nahin mil sake us ki thi aarzoo Jo nahin hai kahin us ki thi justaju Shayad is waaste Aarzoo ke musafir bhatakte rahe