عجیب آدمی تھا وہ
عجیب آدمی تھا وہ محبتوں کا گیت تھا بغاوتوں کا راگ تھا کبھی وہ صرف پھول تھا کبھی وہ صرف آگ تھا عجیب آدمی تھا وہ وہ مفلسوں سے کہتا تھا کہ دن بدل بھی سکتے ہیں وہ جابروں سے کہتا تھا تمہارے سر پہ سونے کے جو تاج ہیں کبھی پگھل بھی سکتے ہیں وہ بندشوں سے کہتا تھا میں تم کو توڑ سکتا ہوں سہولتوں سے کہتا تھا میں تم کو چھوڑ سکتا ہوں ہواؤں سے وہ کہتا تھا میں تم کو موڑ سکتا ہوں وہ خواب سے یہ کہتا تھا کہ تجھ کو سچ کروں گا میں وہ آرزوؤں سے کہتا تھا میں تیرا ہم سفر ہوں تیرے ساتھ ہی چلوں گا میں تو چاہے جتنی دور بھی بنا لے اپنی منزلیں کبھی نہیں تھکوں گا میں وہ زندگی سے کہتا تھا کہ تجھ کو میں سجاؤں گا تو مجھ سے چاند مانگ لے میں چاند لے کے آؤں گا وہ آدمی سے کہتا تھا کہ آدمی سے پیار کر اجڑ رہی ہے یہ زمیں کچھ اس کا اب سنگھار کر عجیب آدمی تھا وہ وہ زندگی کے سارے غم تمام دکھ ہر اک ستم سے کہتا تھا میں تم سے جیت جاؤں گا کہ تم کو تو مٹا ہی دے گا ایک روز آدمی بھلا ہی دے گا یہ جہاں مری الگ ہے داستاں وہ آنکھیں جن میں خواب ہیں وہ دل ہے جن میں آرزو وہ بازو جن میں ہے سکت وہ ہونٹ جن پہ لفظ ہیں رہوں گا ان کے درمیاں کہ جب میں بیت جاؤں گا عجیب آدمی تھا وہ
English rendering
Ajeeb aadmi tha woh Mohabbaton ka geet tha Baghawatton ka raag tha Kabhi woh sirf phool tha Kabhi woh sirf aag tha Ajeeb aadmi tha woh Woh muflison se kahta tha Ke din badal bhi sakte hain Woh jaabiron se kahta tha Tumhare sar pe sone ke jo taaj hain Kabhi pighal bhi sakte hain Woh bandishon se kahta tha Main tum ko tod sakta hoon Sahoolaton se kahta tha Main tum ko chhod sakta hoon Hawaaon se woh kahta tha Main tum ko mod sakta hoon Woh khwaab se yeh kahta tha Ke tujh ko sach karunga main Woh aarzuon se kahta tha Main tera humsafar hoon Tere saath hi chalunga main Tu chahe jitni door bhi bana le apni manzilein Kabhi nahin thakunga main Woh zindagi se kahta tha Ke tujh ko main sajunga Tu mujh se chand maang le Main chand le ke aunga Woh aadmi se kahta tha Ke aadmi se pyaar kar Ujad rahi hai yeh zameen Kuch is ka ab singhaar kar Ajeeb aadmi tha woh Woh zindagi ke saare gham Tamaam dukh Har ek sitam se kahta tha Main tum se jeet jaunga Ke tum ko toh mita hi dega Ek roz aadmi Bhula hi dega yeh jahan Meri alag hai daastaan Woh aankhein jin mein khwaab hain Woh dil hai jin mein aarzoo Woh baazu jin mein hai sakat Woh honth jin pe lafz hain Rahunga un ke darmiyan Ke jab main beet jaunga Ajeeb aadmi tha woh