عجیب قصہ ہے
عجیب قصہ ہے جب یہ دنیا سمجھ رہی تھی تم اپنی دنیا میں جی رہی ہو میں اپنی دنیا میں جی رہا ہوں تو ہم نے ساری نگاہوں سے دور ایک دنیا بسائی تھی جو کہ میری بھی تھی تمہاری بھی تھی جہاں فضاؤں میں دونوں کے خواب جاگتے تھے جہاں ہواؤں میں دونوں کی سرگوشیاں گھلی تھیں جہاں کے پھولوں میں دونوں کی آرزو کے سب رنگ کھل رہے تھے جہاں پہ دونوں کی جرأتوں کے ہزار چشمے ابل رہے تھے نہ وسوسے تھے نہ رنج و غم تھے سکون کا گہرا اک سمندر تھا اور ہم تھے عجیب قصہ ہے ساری دنیا نے جب یہ جانا کہ ہم نے ساری نگاہوں سے دور ایک دنیا بسائی ہے تو ہر ایک ابرو نے جیسے ہم پر کمان تانی تمام پیشانیوں پہ ابھریں غم اور غصے کی گہری شکنیں کسی کے لہجے سے تلخی چھلکی کسی کی باتوں میں ترشی آئی کسی نے چاہا کہ کوئی دیوار ہی اٹھا دے کسی نے چاہا ہماری دنیا ہی وہ مٹا دے مگر زمانے کو ہارنا تھا زمانہ ہارا یہ ساری دنیا کو ماننا ہی پڑا ہمارے خیال کی ایک سی زمیں ہے ہمارے خوابوں کا ایک جیسا ہی آسماں ہے مگر پرانی یہ داستاں ہے کہ ہم پہ دنیا اب ایک عرصے سے مہرباں ہے عجیب قصہ ہے جب کہ دنیا نے کب کا تسلیم کر لیا ہے ہم ایک دنیا کے رہنے والے ہیں سچ تو یہ ہے تم اپنی دنیا میں جی رہی ہو میں اپنی دنیا میں جی رہا ہوں!
English rendering
Ajeeb qissa hai Jab ye duniya samajh rahi thi Tum apni duniya mein jee rahi ho Main apni duniya mein jee raha hoon To hum ne saari nigahon se door Ek duniya basayi thi Jo ke meri bhi thi Tumhari bhi thi Jahan fizaon mein Donon ke khwab jaagte the Jahan hawaon mein Donon ki sargoshiyan ghuli thin Jahan ke phoolon mein Donon ki aarzoo ke sab rang Khil rahe the Jahan pe donon ki jurraton ke Hazaar chashme ubal rahe the Na waswase the na ranj-o-gham the Sukoon ka gehra ik samundar tha Aur hum the Ajeeb qissa hai Saari duniya ne Jab ye jaana Ke hum ne saari nigahon se door Ek duniya basayi hai to Har ek abroo ne jaise hum par kamaan taani Tamaam peshaniyon pe ubharin Gham aur ghusse ki gehri shikanen Kisi ke lahje se talkhi chhalki Kisi ki baaton mein turshi aayi Kisi ne chaha Ke koi deewar hi utha de Kisi ne chaha Hamari duniya hi woh mita de Magar zamane ko haarna tha Zamana haara Ye saari duniya ko manna hi pada Hamare khayal ki ek si zameen hai Hamare khwabon ka ek jaisa hi aasmaan hai Magar purani ye daastaan hai Ke hum pe duniya Ab ek arse se mehrban hai Ajeeb qissa hai Jab ke duniya ne Kab ka tasleem kar liya hai Hum ek duniya ke rahne wale hain Sach to ye hai Tum apni duniya mein jee rahi ho Main apni duniya mein jee raha hoon!