بنجارہ
میں بنجارہ وقت کے کتنے شہروں سے گزرا ہوں لیکن وقت کے اس اک شہر سے جاتے جاتے مڑ کے دیکھ رہا ہوں سوچ رہا ہوں تم سے میرا یہ ناتا بھی ٹوٹ رہا ہے تم نے مجھ کو چھوڑا تھا جس شہر میں آ کر وقت کا اب وہ شہر بھی مجھ سے چھوٹ رہا ہے مجھ کو وداع کرنے آئے ہیں اس نگری کے سارے باسی وہ سارے دن جن کے کندھے پر سوتی ہے اب بھی تمہاری زلف کی خوشبو سارے لمحے جن کے ماتھے پر روشن اب بھی تمہارے لمس کا ٹیکا نم آنکھوں سے گم سم مجھ کو دیکھ رہے ہیں مجھ کو ان کے دکھ کا پتا ہے ان کو میرے غم کی خبر ہے لیکن مجھ کو حکم سفر ہے جانا ہوگا وقت کے اگلے شہر مجھے اب جانا ہوگا وقت کے اگلے شہر کے سارے باشندے سب دن سب راتیں جو تم سے ناواقف ہوں گے وہ کب میری بات سنیں گے مجھ سے کہیں گے جاؤ اپنی راہ لو راہی ہم کو کتنے کام پڑے ہیں جو بیتی سو بیت گئی اب وہ باتیں کیوں دہراتے ہو کندھے پر یہ جھولی رکھے کیوں پھرتے ہو کیا پاتے ہو میں بے چارہ اک بنجارہ آوارہ پھرتے پھرتے جب تھک جاؤں گا تنہائی کے ٹیلے پر جا کر بیٹھوں گا پھر جیسے پہچان کے مجھ کو اک بنجارہ جان کے مجھ کو وقت کے اگلے شہر کے سارے ننھے منے بھولے لمحے ننگے پاؤں دوڑے دوڑے بھاگے بھاگے آ جائیں گے مجھ کو گھیر کے بیٹھیں گے اور مجھ سے کہیں گے کیوں بنجارے تم تو وقت کے کتنے شہروں سے گزرے ہو ان شہروں کی کوئی کہانی ہمیں سناؤ ان سے کہوں گا ننھے لمحو! ایک تھی رانی سن کے کہانی سارے ننھے لمحے غمگیں ہو کر مجھ سے یہ پوچھیں گے تم کیوں ان کے شہر نہ آئیں لیکن ان کو بہلا لوں گا ان سے کہوں گا یہ مت پوچھو آنکھیں موندو اور یہ سوچو تم ہوتیں تو کیسا ہوتا تم یہ کہتیں تم وہ کہتیں تم اس بات پہ حیراں ہوتیں تم اس بات پہ کتنی ہنستیں تم ہوتیں تو ایسا ہوتا تم ہوتیں تو ویسا ہوتا دھیرے دھیرے میرے سارے ننھے لمحے سو جائیں گے اور میں پھر ہولے سے اٹھ کر اپنی یادوں کی جھولی کندھے پر رکھ کر پھر چل دوں گا وقت کے اگلے شہر کی جانب ننھے لمحوں کو سمجھانے بھولے لمحوں کو بہلانے یہی کہانی پھر دہرانے تم ہوتیں تو ایسا ہوتا تم ہوتیں تو ویسا ہوتا
English rendering
Main Banjara Waqt ke kitne shehron se guzra hoon Lekin Waqt ke is ek shehr se jaate jaate mud ke dekh raha hoon Soch raha hoon Tum se mera yeh naata bhi toot raha hai Tum ne mujh ko chhoda tha jis shehr mein aa kar Waqt ka ab woh shehr bhi mujh se chhoot raha hai Mujh ko vidaa karne aaye hain Is nagri ke saare baasi Woh saare din Jin ke kandhe par soti hai Ab bhi tumhari zulf ki khushboo Saare lamhe Jin ke maathe par roshan Ab bhi tumhare lams ka teeka Nam aankhon se Gum sum mujh ko dekh rahe hain Mujh ko un ke dukh ka pata hai Un ko mere gham ki khabar hai Lekin mujh ko hukm-e-safar hai Jaana hoga Waqt ke agle shehr mujhe ab jaana hoga Waqt ke agle shehr ke saare baashinde Sab din sab raatein Jo tum se nawaaqif honge Woh kab meri baat sunenge Mujh se kahenge Jao apni raah lo raahi Hum ko kitne kaam pade hain Jo beeti so beet gayi Ab woh baatein kyun dohrate ho Kandhe par yeh jholi rakhe Kyun phirte ho kya paate ho Main bechaara Ek banjara Aawara phirte phirte jab thak jaunga Tanhai ke teele par ja kar baithunga Phir jaise pehchan ke mujh ko Ek banjara jaan ke mujh ko Waqt ke agle shehr ke saare nanhe munne bhoole lamhe Nange paaon Daude daude bhaage bhaage aa jayenge Mujh ko gher ke baithenge Aur mujh se kahenge Kyun banjare Tum toh waqt ke kitne shehron se guzre ho In shehron ki koi kahani hamein sunaao Un se kahunga Nanhe lamho! Ek thi rani Sun ke kahani Saare nanhe lamhe Ghamgeen ho kar mujh se yeh poochhenge Tum kyun un ke shehr na aayein Lekin un ko behla loonga Un se kahunga Yeh mat poocho Aankhein moondo Aur yeh socho Tum hotin toh kaisa hota Tum yeh kahteen Tum woh kahteen Tum is baat pe hairaan hotin Tum is baat pe kitni hansti Tum hotin toh aisa hota Tum hotin toh waisa hota Dheere dheere Mere saare nanhe lamhe So jayenge Aur main Phir haule se uth kar Apni yaadon ki jholi kandhe par rakh kar Phir chal doonga Waqt ke agle shehr ki jaanib Nanhe lamhon ko samjhane Bhoole lamhon ko behlane Yehi kahani phir dohrane Tum hotin toh aisa hota Tum hotin toh waisa hota