بھوک
آنکھ کھل گئی میری ہو گیا میں پھر زندہ پیٹ کے اندھیروں سے ذہن کے دھندلکوں تک ایک سانپ کے جیسا رینگتا خیال آیا آج تیسرا دن ہے۔۔۔۔۔۔ آج تیسرا دن ہے اک عجیب خاموشی منجمد ہے کمرے میں ایک فرش اور اک چھت اور چار دیواریں مجھ سے بے تعلق سب سب مرے تماشائی سامنے کی کھڑکی سے تیز دھوپ کی کرنیں آ رہی ہیں بستر پر چبھ رہی ہیں چہرے میں اس قدر نکیلی ہیں جیسے رشتے داروں کے طنز میری غربت پر آنکھ کھل گئی میری آج کھوکھلا ہوں میں صرف خول باقی ہے آج میرے بستر میں لیٹا ہے مرا ڈھانچہ اپنی مردہ آنکھوں سے دیکھتا ہے کمرے کو آج تیسرا دن ہے آج تیسرا دن ہے دوپہر کی گرمی میں بے ارادہ قدموں سے اک سڑک پہ چلتا ہوں تنگ سی سڑک پر ہیں دونوں سمت دوکانیں خالی خالی آنکھوں سے ہر دکان کا تختہ صرف دیکھ سکتا ہوں اب پڑھا نہیں جاتا لوگ آتے جاتے ہیں پاس سے گزرتے ہیں پھر بھی کتنے دھندلے ہیں سب ہیں جیسے بے چہرہ شور ان دکانوں کا راہ چلتی اک گالی ریڈیو کی آوازیں دور کی صدائیں ہیں آ رہی میلوں سے جو بھی سن رہا ہوں میں جو بھی دیکھتا ہوں میں خواب جیسا لگتا ہے ہے بھی اور نہیں بھی ہے دوپہر کی گرمی میں بے ارادہ قدموں سے اک سڑک پہ چلتا ہوں سامنے کے نکڑ پر نل دکھائی دیتا ہے سخت کیوں ہے یہ پانی کیوں گلے میں پھنستا ہے میرے پیٹ میں جیسے گھونسہ ایک لگتا ہے آ رہا ہے چکر سا جسم پر پسینہ ہے اب سکت نہیں باقی آج تیسرا دن ہے آج تیسرا دن ہے ہر طرف اندھیرا ہے گھاٹ پر اکیلا ہوں سیڑھیاں ہیں پتھر کی سیڑھیوں پہ لیٹا ہوں اب میں اٹھ نہیں سکتا آسماں کو تکتا ہوں آسماں کو تھالی میں چاند ایک روٹی ہے جھک رہی ہیں اب پلکیں ڈوبتا ہے یہ منظر ہے زمین گردش میں میرے گھر میں چولھا تھا روز کھانا پکتا تھا روٹیاں سنہری ہیں گرم گرم یہ کھانا کھل نہیں رہی آنکھیں کیا میں مرنے والا ہوں ماں عجیب تھی میری روز اپنے ہاتھوں سے مجھ کو وہ کھلاتی تھی کون سرد ہاتھوں سے چھو رہا ہے چہرے کو اک نوالا ہاتھی کا اک نوالا گھوڑے کا اک نوالا بھالو کا موت ہے کہ بے ہوشی جو بھی غنیمت ہے موت ہے کہ بے ہوشی جو بھی ہے غنیمت ہے آج تیسرا دن تھا۔۔۔۔۔۔۔۔۔ آج تیسرا دن تھا
English rendering
Aankh khul gayi meri Ho gaya main phir zinda Pet ke andheron se Zehn ke dhundalkon tak Ek saap ke jaisa Reengta khayaal aaya Aaj teesra din hai...... Aaj teesra din hai Ek ajeeb khamoshi Munjamid hai kamre mein Ek farsh aur ek chhat Aur chaar deewarein Mujh se be-talluq sab Sab mere tamashayi Saamne ki khidki se Tez dhoop ki kirnein Aa rahi hain bistar par Chub rahi hain chehre mein Is qadar nukeeli hain Jaise rishte-daron ke Tanz meri ghurbat par Aankh khul gayi meri Aaj khokhla hoon main Sirf khol baaqi hai Aaj mere bistar mein Leta hai mera dhaancha Apni murda aankhon se Dekhta hai kamre ko Aaj teesra din hai Aaj teesra din hai Dopahar ki garmi mein Be-iraada qadmon se Ek sadak pe chalta hoon Tang si sadak par hain Donon simt dukaanen Khaali khaali aankhon se Har dukaan ka takhta Sirf dekh sakta hoon Ab padha nahin jaata Log aate jaate hain Paas se guzarte hain Phir bhi kitne dhundhle hain Sab hi hain jaise be-chehra Shor in dukaanon ka Raah chalti ek gaali Radio ki awaazein Door ki sadaein hain Aa rahi meelon se Jo bhi sun raha hoon main Jo bhi دیکھتا hoon main Khwaab jaisa lagta hai Hai bhi aur nahin bhi hai Dopahar ki garmi mein Be-iraada qadmon se Ek sadak pe chalta hoon Saamne ke nukad par Nal dikhai deta hai Sakht kyun hai yeh paani Kyun gale mein phansta hai Mere pet mein jaise Ghonsa ek lagta hai Aa raha hai chakkar sa Jism par paseena hai Ab sakat nahin baaqi Aaj teesra din hai Aaj teesra din hai Har taraf andhera hai Ghaat par akela hoon Seedhiyan hain patthar ki Seedhiyon pe leta hoon Ab main uth nahin sakta Aasman ko takta hoon Aasman ko thaali mein Chand ek roti hai Jhuk rahi hain ab palkein Doobta hai yeh manzar Hai zameen gardish mein Mere ghar mein choolha tha Roz khana pakta tha Rotiyan sunahri hain Garm garm yeh khana Khul nahin rahi aankhein Kya main marne wala hoon Maa ajeeb thi meri Roz apne haathon se Mujh ko woh khilati thi Kaun sard haathon se Chhoo raha hai chehre ko Ek niwala haathi ka Ek niwala ghode ka Ek niwala bhalu ka Maut hai ke be-hoshi Jo bhi ghaneemat hai Maut hai ke be-hoshi Jo bhi hai ghaneemat hai Aaj teesra din tha........... Aaj teesra din tha